![\"\"](\"https:\/\/manueldelia.com\/wp-content\/uploads\/2020\/05\/anthony-agius-decelis.jpg\")
<\/p>\nHuwa tassew ta’ t\u0127assib meta wie\u0127ed jara lill-gvern i\u0121ib ru\u0127u b’tant disprezz fil-konfront tal-pro\u010bess tal-Kummissjoni ta’ Venezja. G\u0127all-bidu lil tal-Kummissjoni, l-gvern kien injorahom g\u0127al 18 il-xahar s\u0127a\u0127 u issa qed jipprova ig\u0127addihom bi\u017c-\u017cmien bid-d\u0127ul ta’ tibdil superfi\u010bjali u ko\u017cmetiku. Qed jittrattahom b\u0127allikieku dawn huma xi qatta’ bolo\u0127 bla esperjenza u ta\u0127ri\u0121 bi\u017c\u017cejjed biex ixommu l-qerq minn seba’ mili bog\u0127od.<\/p>\n
I\u017cda l-ag\u0127ar \u0127a\u0121a hi kif il-gvern qed i\u0121ib ru\u0127u b’mod li lill-Kummissjoni ta’ Venezja u lir-rakkomandazzjonijiet tag\u0127ha qed jinjorahom. Ta’ min ifakkar li f’April 2019, il-gvern kien \u0127atar 6 persuni biex iservu b\u0127ala membri tal-\u0121udikatura u fl-istess waqt injora l-konklu\u017cjoni li kienet \u0121ibdet il-Kummissjoni ta’ Venezja fis-sens li l-metodu tal-g\u0127a\u017cla tal-\u0121udikanti ma kienx jaqbel mal-ispirtu tad-demokrazija.<\/p>\n
G\u0127aldaqstant il-wieg\u0127da li kien g\u0127amel il-gvern li jwettaq ir-rakkomandazzjonijiet tal-Kummissjoni ta’ Venezja malajr spi\u010b\u010bat mormija ‘l ba\u0127ar, g\u0127ax il-gvern g\u0127amel fattih. Din ma kienitx biss ksur ta’ rakkomandazzjoni i\u017cda tista’ tammonta wkoll g\u0127al ksur tal-obbligazzjonijiet li jorbtu lil Malta permezz tat-Trattat tal-Unjoni Ewropea. Hi appuntu g\u0127al din ir-ra\u0121uni li l-kwistjoni kollha issa tinsab quddiem il-Qorti Ewropea tal-\u0120ustizzja.<\/p>\n
I\u017cda kien hemm ukoll rakkomandazzjonijiet o\u0127ra tal-Kummissjoni ta’ Venezja li m’humiex so\u0121\u0121etti g\u0127al-li\u0121ijiet li jaqg\u0127u ta\u0127t it-Trattat tal-Unjoni Ewropea. Hemm ukoll \u010berti livelli ta’ di\u010benza u ta’ awto-kontroll li f’xi pajji\u017ci huma regolati mil-li\u0121ijiet u f’o\u0127rajn huma regolati minn konswetudnijiet dwar il-mod ta’ m\u0121ieba ta’ min jin\u0127atar f’kariga pubblika.<\/p>\n
Il-Kummissjoni ta’ Venezja kienet qalet li meta l-gvern jimpjega membri parlamentari minn na\u0127a tieg\u0127u b’salarju li jin\u0127are\u0121 mill-istat, ikun qed jikser il-prin\u010bipju demokratiku tas-separazzjoni tas-setg\u0127at – f’dan il-ka\u017c bejn l-e\u017cekuttiv u l-parlament. Je\u0127tie\u0121 li dawn l-istituzzjonijiet ikunu indipendenti minn xulxin g\u0127aliex jekk il-Parlament isir \u0127a\u0121a wa\u0127da mal-gvern, ma jkunx jista’ jibqa’ jag\u0127mel g\u0127assa effettiva fuqu.<\/p>\n
Dawk il-membri parlamentari li jappo\u0121\u0121jaw lill-gvern g\u0127andhom id-dmir li jirrappre\u017centaw lill-kostitwenti tag\u0127hom; huma fid-dmir li jg\u0127arblu l-\u0127idma u l-im\u0121ieba tal-gvern; huma fid-dmir li jg\u0127assu fuq l-im\u0121ieba tal-ministri u li je\u017ci\u0121u t-twe\u0121ibiet ming\u0127andhom. Dawn id-dmirijiet huma aktar minn ewl id-dinja g\u0127all-membri parlamentari minn na\u0127a tal-gvern g\u0127aliex l-istess gvern ma jistax \u0127lief jistrie\u0127 fuq l-appo\u0121\u0121 biex ikun jista’ jkompli jiggverna u g\u0127aldaqstant l-influwenza tag\u0127hom g\u0127an-nom tal-kostitwenti hu \u0127afna iktar effettiva.<\/p>\n
Bis-sa\u0127\u0127a tas-salarji li tahom minn flus il-poplu, Joseph Muscat sab mezz kif lill-membri parlamentri minn na\u0127a tal-gvern \u0121ieg\u0127lhom ja\u0127dmu g\u0127alih u mhux g\u0127all-kostitwenti tag\u0127hom.<\/p>\n
<\/p>\n
Skont il-Kummissjoni ta’ Venezja, dan kollu je\u0127tie\u0121 li jitwaqqaf. I\u017cda proprju fil-\u0121img\u0127a stess li fiha bdew jiflu l-pjanijiet tal-gvern dwat il-mod kif bi \u0127siebu jwettaq ir-rakkomandazzjonijet, il-gvern qabad u \u0127atar lill-membru parlamentari minn na\u0127a tal-gvern Anthony Agius Decelis b\u0127ala Chairman<\/em> tal-Grand Harbour Regeneration Corporation<\/em>. Qablu f’din il-\u0127atra kien hemm membru parlamentari Laburista ie\u0127or Stefan Zrinzo Azzopardi li llum iservi ta’ Segretarju Parlamentari.<\/p>\n Il-gvern mhux biss \u0127atar persuna li hi nkompetenti g\u0127all-a\u0127\u0127ar, i\u017cda g\u0127adda b’romblu fuq tal-Kummissjoni ta’ Venezja proprju fil-\u0121img\u0127a li dawn qed ja\u0127dmu fuq il-ka\u017c ta’ Malta. Tassew \u0127aqqu medalja! Tal-Labour jinqalg\u0127u ferm g\u0127al kummiedji b\u0127al dawn fejn jid\u0127lu l-barranin. I\u017cda d-disprezz sar ukoll apposta biex il-gvern jintog\u0127\u0121ob ma’ dik is-sezzjoni tal-poplu li tappo\u0121\u0121jah.<\/p>\n F’Di\u010bembru tal-2018, il-Kummissjoni ta’ Venezja kienet qalet li tinsab im\u0127assba dwar il-fatt li l-Ombudsman ta’ sikwit jilmenta li ji\u0121i njorat meta jitlob informazzjoni ming\u0127and il-gvern. \u201cM’huwiex a\u010b\u010bettabbli li l-gvern jirrifjuta li jg\u0127addi informazzjoni me\u0127tie\u0121a lill-Ombudsman biex dan ikun jista’ jwettaq id-dmirijiet tieg\u0127u\u201d.<\/p>\n Tistg\u0127u timma\u0121inaw l-iskantament tag\u0127hom hekk kif isiru jafu li, minkejja l-weg\u0127diet kollha tal-gvern li jwettaq ir-rakkomandazzjoni tal-Kummissjoni, l-Ombudsman g\u0127adu sal-lum ji\u0121i injorat.<\/p>\n![\"\"](\"https:\/\/manueldelia.com\/wp-content\/uploads\/2020\/05\/AM.jpg\")
<\/p>\n