![\"\"](\"https:\/\/manueldelia.com\/wp-content\/uploads\/2020\/05\/5954609644_3087061c0d_b.jpg\")
<\/p>\n<\/p>\n
\u0126ajjitna m’hix tmur lura g\u0127al dik li kienet u ser ikun je\u0127tie\u0121ilna nibdlu l-mod kif naqilg\u0127u l-\u0127ob\u017ca tag\u0127na ta’ kuljum. Milli jidher, u\u0127ud mill-operaturi tat-turi\u017cmu ming\u0127alihom li sal-a\u0127\u0127ar ta’ din is-sena ser jirnexxielhom i\u0121ibu turisti f’Malta daqs kemm \u0121abu s-sena l-o\u0127ra. I\u017cda din m’hix ir-realt\u00e0.<\/p>\n
Il-kwistjoni m’hix biss dwar it-tne\u0127\u0127ija tar-restrizzjonijiet u dwar il-ftu\u0127 mill-\u0121did tal-ajruport. Ser ikun hemm linji tal-ajru li jkollhom jerfg\u0127u. U bosta minnhom ser ikollhom inaqqsu l-ispejje\u017c biex ikunu jistg\u0127u jibqg\u0127u jkampaw u ma tkunx sorpri\u017ca jekk ikun hemm minnhom li j\u0127assar titjiriet skedati lejn Malta. Il-\u0127tie\u0121a li jin\u017cammu d-distanzi so\u010bjali se jeffettwa \u0127a\u017cin in-numru ta’ klijenti li jkunu jistg\u0127u jaqdu kif ukoll id-d\u0127ul. Barra minn hekk, il-mi\u017curi ta’ sigurt\u00e0 fl-ajruporti mistennija li j\u017cidu l-ispejje\u017c u jnaqqsu t-tijiriet skedati.<\/p>\n
I\u017cda fuq kollox, ikun je\u0127tie\u0121 li n-nies ter\u0121a’ tibda’ tit\u0127ajjar issiefer. In-nies je\u0127tie\u0121 li teg\u0127leb il-bi\u017cg\u0127at tag\u0127ha. Bosta huma dawk li qed jaraw id-d\u0127ul tag\u0127hom dejjem jonqos u g\u0127aldaqstant kull pjan li seta’ kellhom dwar safar kellu jintemm \u0127esrem.<\/p>\n
Dawk in-negozji li jiddependu fuq il-mi\u0121ja fostna tal-kwantit\u00e0 ta’ turisti li \u017caru Malta fl-2019 ma jkunux jistg\u0127u jkampaw kemm il-darba ma ma jg\u0127amlux it-tibdiliet. Din hi sfida iebsa li mhux kul\u0127add ser ikollu l-\u0127ila li jeg\u0127libha. U huma dawk li jkunu innovattivi u li g\u0127andhom xi \u0127a\u0121a m\u0121emma’ li ser ikollhom l-akbar \u010bans li jibqg\u0127u fil-wi\u010b\u010b.<\/p>\n
Edward Scicluna ming\u0127alih li l-industrija tas-servizzi finanzjarji ser tibqa’ l-istess b\u0127alma kienet qabel tfa\u010b\u010bat l-imxijja Covid-19<\/em>. M’hix sorpri\u017ca li fl-Ewropa g\u0127ad hemm rieda favur l-armonizzazzjoni fil-qasam tat-taxxi. Meta Malta kienet innegozjat is-s\u0127ubija tag\u0127ha fl-Unjoni Ewropea, wie\u0127ed mill-akbar su\u010b\u010bessi tag\u0127ha kien il-ftehim dwar it-taxxa u dan se\u0127\u0127 grazzi g\u0127all-isforzi li g\u0127amlu n-negozjaturi Maltin dak i\u017c-\u017cmien.<\/p>\n Dawn in-negozjaturi kien irnexxielhom jipperswadu lill-istati membri tal-UE li dawk li jag\u0127\u017clu lil Malta biex jinvestu jew g\u0127andhom jit\u0127allew i\u0127allsu ftit li xejn taxxa jew inkella g\u0127andhom jit\u0127allew ma j\u0127allsu xejn. In-negozjaturi Maltin kienu lag\u0127bu karta u spi\u010b\u010baw biex \u0121abuha \u017cew\u0121. I\u017cda dan ma jfissirx li l-istati membri tal-UE stajna nbellg\u0127ulhom dak kollu li ridna nbellg\u0127ulhom ming\u0127ajr sforz ta’ xejn. Il-verit\u00e0 hi li, dak i\u017c-\u017cmien, il-kwistjoni tat-taxxa ma kienitx ta\u0127raq daqs kemm hi wa\u0127da ta\u0127raq b\u0127alissa.<\/p>\n Dak i\u017c-\u017cmien, nies sinjuri minn madwar id-dinja kienu jippretendu li l-globalizzazzjoni kienet tathom id-dritt li jibdlu l-lokalit\u00e0 fejn g\u0127andhom i\u0127allsu t-taxxa skont kif ikun jaqblilhom. Il-gvernijiet dak i\u017c-\u017cmien kien jidhrilhom li dawk li kienu jfittxu li j\u0127allsu inqas taxxa billi jmorru jg\u0127ixu f’lokalitajiet e\u017coti\u010bi, kienu qed i\u017cidu l-kompetittivit\u00e0 tag\u0127hom.<\/p>\n U g\u0127aldaqstant setg\u0127u jag\u0127lqu g\u0127ajn wa\u0127da g\u0127al dak li kienet qed titlob Malta li, wara kollox, talbet dak li kien talab g\u0127alih ukoll \u010aipru. U kien hemm ukoll pajji\u017ci o\u0127ra dak i\u017c-\u017cmien b\u0127al l-Irlanda, l-Lussemburgu u l-Olanda, li lkoll gawdew minn arran\u0121ament simili.<\/p>\n Li kieku Malta kienet bdiet in-negozjati g\u0127as-s\u0127ubija wara l-kri\u017ci ekonomika tal-2008, x’aktarx li l-kwistjoni dwar it-taxxa kienet tie\u0127u xejra differenti. Matul dan il-perijodu bosta kienu dawk il-gvernijiet li rrikonoxxew li t-tixrid bla xkiel ta’ flejjes madwar id-dinja ma kienx ta’ benefi\u010b\u010bju daqs kemm kien mistenni. G\u0127aliex din ix-xmara ta’ flejjes \u0121abet mag\u0127ha wkoll globalizzazzjoni tal-kriminalit\u00e0 u tas-sostenn finanzjarju tat-terrori\u017cmu. U, g\u0127al dawn il-pajji\u017ci, \u0121abet mag\u0127ha wkoll tnaqqis kbir fid-d\u0127ul mit-taxxi.<\/p>\n L-argument ta’ Malta kontra l-armonizzazzjoni tat-taxxa huwa wie\u0127ed so\u0121\u0121ettiv. I\u017cda je\u0127tie\u0121 li nifhmu li m’a\u0127niiex ser nipperswadu lil s\u0127abna billi ng\u0127idulhom li \u0127ob\u017cna qed naqilg\u0127uha bis-sa\u0127\u0127a ta’ din is-sistema. Lanqas m’a\u0127na ser jirnexxielna nipperswaduhom kemm il-darba nibqg\u0127u nirrifjutaw anki li nitkellmu dwar metodu aktar \u0121ust u ekwu g\u0127all-\u0121bir tat-taxxi fl-Ewropa u kemm il-darba nu\u017caw is-sa\u0127\u0127a tal-veto tag\u0127na fuq kwistjonijiet li g\u0127andhom x’jaqsmu ma’ dan il-qasam.<\/p>\n L-imxijja Covid-19<\/em> lanqas m’hi tg\u0127in il-po\u017cizzjoni tag\u0127na.<\/p>\n Fil-15 il-sena li ilna msie\u0127bin fl-Unjoni Ewropea, l-livell tal-g\u0127ajxien f’Malta g\u0127adda minn trasformazzjoni s\u0127i\u0127a. Livell li kompla jog\u0127la grazzi g\u0127all-flejjes Ewropej li sabu ru\u0127\u0127om fl-ekonomija Maltija. U minkejja dan, xejn ma nsibuha bi tqila li nixlu lil s\u0127abna l-Ewropej b’nuqqas ta’ solidarjet\u00e0 meta sta g\u0127alina li noqg\u0127odu g\u0127al dak li konna ntrabatna g\u0127alih u li nsalvaw lil minn ikun qed jag\u0127req fl-ib\u0127ra tag\u0127na. Madankollu nag\u0127milha \u010bara li, anki li kieku Malta m’hix imsie\u0127ba fl-UE, xorta wa\u0127da g\u0127andha dan id-dmir legali.<\/p>\n Issa \u0121ejna f’po\u017cizzjoni li mhux biss qed inkejlu r-relazzjoni li g\u0127andna ma’ s\u0127abna l-Ewropej bix-xiber ta’ skont kemm jirnexxielna nakkwistaw flus minn fuq daharhom, i\u017cda meta nitkellmu kontra r-riforma fil-qasam tat-taxxa, nibqg\u0127u nippretendu li nerdg\u0127ulhom flushom.<\/p>\n Kien minn ewl id-dinja meta Edward Scicluna stqarr li flus li ser ingawdu bis-sa\u0127\u0127a tal-pjan Ewropew ta’ salvata\u0121\u0121 finanzjarju li \u0121ie varat il-biera\u0127, b’xi mod ikun je\u0127tie\u0121 li jit\u0127allsu lura.\u00a0Wissiena wkoll li l-UE qed tistenna’ li s-s\u0127ab Ewropej j<\/a>a\u010b\u010bettaw ir-riforma dwar l-armonizzazzjoni tat-taxxa b\u0127ala parti mir-ristrutturar b’ri\u017cultat tal-imxijja Covid-19.<\/em> Huwa xebba\u0127 sitwazzjoni b\u0127al din b\u0127al meta wie\u0127ed jibda jiekol il-bajtar qabel ma jqaxxru.\u00a0<\/a><\/p>\n