{"id":92017,"date":"2020-06-21T07:53:44","date_gmt":"2020-06-21T05:53:44","guid":{"rendered":"https:\/\/manueldelia.com\/?p=92017"},"modified":"2020-06-22T17:46:53","modified_gmt":"2020-06-22T15:46:53","slug":"ixxukjati-izda-ma-skantajna-xejn","status":"publish","type":"post","link":"https:\/\/manueldelia.com\/mt\/2020\/06\/ixxukjati-izda-ma-skantajna-xejn\/","title":{"rendered":"Ixxukkjati. I\u017cda ma skantajna xejn."},"content":{"rendered":"

\"\"<\/p>\n

Ftit huma dawk li kienu emmnu li Joseph Muscat ma kien jaf xejn dwar dak li kien qed ise\u0127\u0127 ta\u0127t imnie\u0127ru. Meta fl-2016, kien irrifjuta li jke\u010b\u010bi lil Konrad Mizzi u lil Keith Schembri meta dawn inqabdu li kienu \u0127olqu kumpanniji sigrieti fil-Panama, kien ta \u0127jiel qawwi li hu kien imda\u0127\u0127al mag\u0127hom. U konna fhimna li l-kumpanniji fil-Panama ma jin\u0127olqux biex “jin\u017camm il-\u0121id fihom” kif ried ibellag\u0127hielna Konrad Mizzi. Fhimna li kienu fasslu roadmap<\/em> biex iwettqu sensiela ta’ serqiet fid-dawl tax-xemx u li dak li kien inkixef dwar il-kumpanniji tal-Panama kien biss \u0127jiel.<\/p>\n

\"\"<\/p>\n

Ftit huma dawk li emmnu li Joseph Muscat kien inno\u010benti. Meta qabad u dde\u010bieda wa\u0127du li jag\u0127ti l-proklama lil Melvyn Theuma, i\u017cda mbag\u0127ad lil s\u0127abu tal-Kabinett kien immanipulahom b’mod biex \u0121ieg\u0127elhom jaqblu li ma ting\u0127atax proklama lil Yorgen Fenech, konna fhimna mill-ewwel li kien qed jabbu\u017ca mill-awtorit\u00e0 legali biex i\u0127ares l-interessi personali tieg\u0127u. Mhux \u010bar dan l-interess personali x’kien. I\u017cda l-fatt li ppermetta lil Keith Schembri fil-kamra waqt li kien qed jir\u010bievi informazzjoni dwar il-qtil ta’ Daphne anki tul i\u017c-\u017cmien li Yorgen Fenech kien meqjus b\u0127ala persuna suspettata, kien \u0127jiel importanti.<\/p>\n

 <\/p>\n

\"\"<\/p>\n

Qed ji\u0121i f’mo\u0127\u0127i l-filmat li fih jidher ta’ Joseph Muscat u ta’ dik il-mara rg\u0127iba, vojta u vanitu\u017ca li g\u0127andu, jaqb\u017cu u jixxalaw bil-fliexken tax-xampanja f’idejhom g\u0127all-kant ta’ \u2018ma tag\u0127mlu xejn ma\u2019 Joseph tag\u0127na\u2019<\/a>. Filmat li fih dehru qishom f’xalata f’xena li xejn ma taqbel mad-dinjit\u00e0 tal-kariga ta’ prim ministru u mal-bini li hu residenza uffi\u010bjali tal-mexxej tal-pajji\u017c. I\u017cda kien sinjifikanti l-fatt li dak il-filmat spi\u010b\u010ba biex ixxandar.<\/p>\n

Dehru fih b\u0127allikieku ne\u0127\u0127ew balla minn fuq l-istonku, huwa u jaqb\u017cu u jog\u0127lew b\u0127all-\u0127allelin li jkunu wettqu serqa kbira u, b’xorti g\u0127alihom, irnexxielhom ig\u0127adduha lixxa.<\/p>\n

Dehru b\u0127allikieku qed jifir\u0127u talli kien tne\u0127\u0127a pi\u017c minn fuq spallejhom u b\u0127allikieku kienu qed isikktu lil \u0121wejjef b\u0127al Evarist Bartolo li kien jaf x’kienu wettqu, i\u017cda li ma kellux il-kura\u0121\u0121 i\u010banfarhom fil-bera\u0127.<\/p>\n