{"id":93163,"date":"2020-07-17T07:15:35","date_gmt":"2020-07-17T05:15:35","guid":{"rendered":"https:\/\/manueldelia.com\/?p=93163"},"modified":"2020-07-17T09:51:32","modified_gmt":"2020-07-17T07:51:32","slug":"l-istorja-ta-ezekiel-u-ta-ishmael","status":"publish","type":"post","link":"https:\/\/manueldelia.com\/mt\/2020\/07\/l-istorja-ta-ezekiel-u-ta-ishmael\/","title":{"rendered":"L-istorja ta’ Ezekiel u ta’ Ishmael"},"content":{"rendered":"

Il-biera\u0127 fil-qorti se\u0127\u0127et storja mhux tas-soltu.<\/a> L-avukati ta’ Yorgen Fenech qalu li je\u017cisti tape recording<\/em> li kien g\u0127amle Melvyn Theuma li g\u0127adu qatt ma nstema’ fil-qorti. Dan it-tape recording l-avukati ta’ Theuma kien jafu bih, i\u017cda mid-dehra \u0127add aktar ma kien jaf bl-e\u017cistenza tieg\u0127u.<\/p>\n

Milli jidher dan it-tape recording<\/em> ma kienx issemma’ g\u0127aliex il-komputer ta’ qorti \u0121ie “mbag\u0127bas”. G\u0127ad irridu niskopru x’\u0121ara’ e\u017catt i\u017cda \u0127a\u0121a b\u0127al din qed isservi biex i\u017c\u017cid it-tensjoni. Il-prosekuzzjoni ta’ konttra Yorgen Fenech qed tistrie\u0127 b’ru\u0127\u0127a u \u0121isimha fuq ix-xhieda ta’ Melvyn Theuma. U x-xhieda ta’ Melvyn Theuma qed tistrie\u0127 fuq l-immunit\u00e0 li ng\u0127ata permezz tal-proklama. U s-sisien ta’ din l-immunit\u00e0 jibqg\u0127u sodi biss kemm il-darba Theuma jixhed il-verit\u00e0. Il-verit\u00e0 kollha.<\/p>\n

Il-biera\u0127 Lawrence Cutajar t\u0127alla jistenna’ barra l-awla tal-qorti g\u0127al \u0121urnata s\u0127i\u0127a. U meta spi\u010b\u010ba s-smig\u0127 tax-xhieda, qalulu biex jer\u0121a’ jmur il-qorti \u0121urnata o\u0127ra u fil-frattemp \u0121ie mwissi biex ma jkellem lil \u0127add.<\/p>\n

\"\"<\/p>\n

Dak li kien il-kummissarju tal-pulizija jinsab ta\u0127t twissija. Illum nafu li hu kien tkellem dwar l-arrest eventwali ta’ Melvyn Theuma ma’ persuna mag\u0127rufa li hi mid\u0127la ta’ Theuma. B’dan l-a\u0121ir, l-eks kummissarju kien inda\u0127al fil-ka\u017c minn wara dahar l-investigaturi. Tg\u0127id kien ukoll inda\u0127al aktar minn hekk? Tg\u0127id kien ixxa\u0127\u0127am biex ti\u0121i rran\u0121ata l-ma\u0127fra g\u0127al Melvyn Theuma? Tg\u0127id l-ind\u0127il tieg\u0127u ser iwassal biex jaqa’ l-ka\u017c kollu tal-prosekuzzjoni kontra l-qattiela ta’ Daphne Caruana Galizia?<\/p>\n

Il-biera\u0127 fil-qorti Lawrence Cutajar kien akkumpanjat minn avukat. Min ikun issejja\u0127 biex jixhed mhux soltu li jqabbad avukat biex jassistih. B’daqshekk m’jien qed nimplika xejn.<\/p>\n

U lanqas m’g\u0127andi nasal g\u0127al \u010berti konklu\u017cjonijiet min\u0127abba l-identit\u00e0 tal-avukat li qabbad Lawrence Cutajar.<\/p>\n

L-avukat tieg\u0127u huwa Ezekiel Psaila.<\/p>\n

\"\"<\/p>\n

U hemm avukat ie\u0127or bl-istess kunjom li qed jassisti xhud ie\u0127or fil-ka\u017c kontra Yorgen Fenech: dan hu Ishmael Psaila, l-avukat ta’ Keith Schembri.<\/a><\/p>\n

\"\"<\/p>\n

M’g\u0127andniex xi ng\u0127idu, Ezekiel u Ishmael huma individwi separati u ja\u0127dmu f’ditti legali differenti. U kif dan l-a\u0127\u0127ar Ezekiel kiteb fil-Facebook, m’g\u0127andna qatt in\u0127alltu avukat li jipprattika fil-qrati kriminali mal-klijent li jkun qed iservi.<\/p>\n