{"id":93738,"date":"2020-08-16T13:35:44","date_gmt":"2020-08-16T11:35:44","guid":{"rendered":"https:\/\/manueldelia.com\/?p=93738"},"modified":"2020-08-16T21:16:08","modified_gmt":"2020-08-16T19:16:08","slug":"mario-cutajar-mhux-ta-bxejn-kien-hareg-jiddefendi-s-sistema-tal-ingaggar-ta-persuni-ta-fiducja","status":"publish","type":"post","link":"https:\/\/manueldelia.com\/mt\/2020\/08\/mario-cutajar-mhux-ta-bxejn-kien-hareg-jiddefendi-s-sistema-tal-ingaggar-ta-persuni-ta-fiducja\/","title":{"rendered":"Mario Cutajar mhux ta’ b’xejn kien \u0127are\u0121 jiddefendi s-sistema tal-inga\u0121\u0121ar ta’ “persuni ta’ fidu\u010bja”"},"content":{"rendered":"

\"\"<\/p>\n

F’Malta g\u0127andna \u0127addiema tas-servizz \u010bivili fil-qasam tal-affarijiet barranin u li jintbag\u0127tu biex iservu lill-pajii\u017c lil hinn minn xtutna li huma kapa\u010bi f’xog\u0127olhom. Ikun hemm okka\u017cjonijiet li fihom gvernijiet ikunu \u0121ustifikati li jag\u0127mlu \u0127atriet politi\u010bi g\u0127at-tmexxija ta’ ambaxxati Maltin l-aktar min\u0127abba ra\u0121unijiet li politikament ikunu sensittivi. G\u0127al \u0127atriet diplomati\u010bi, jistg\u0127u jin\u0127atru diplomati\u010bi jew inkella persuni ma\u0127turin politikament.<\/p>\n

I\u017cda \u0127add m’g\u0127andu jistenna’ li l-Konsolat ta’ Malta f’Shanghai jkun je\u0127tie\u0121 \u0127atra politika. Wie\u0127ed g\u0127andu jasal biex jifhem jekk issir \u0127atra politika g\u0127all-ambaxxata f’Beijing u dan sabiex ikun hemm g\u0127assa politika adegwata fuq ir-relazzjonijiet mal-gvern ta’ dak il-pajji\u017c. I\u017cda x-xog\u0127ol tal-uffi\u010b\u010bju f’Shanghai huwa biss wie\u0127ed ta’ natura konsolari u kummer\u010bjali u mhux partikolarment politiku.<\/p>\n

Sai Mizzi kienet l-ewwel persuna ta’ fidu\u010bja li n\u0127atret fil-Konsolat ta’ Shanghai. il-\u0127atra tag\u0127ha kienet wa\u0127da pjuttost misterju\u017ca u, sa fejn wie\u0127ed jista’ jifhem, kienet ing\u0127atat il-\u0127atra sabiex Konrad Mizzi ikun jista’ jg\u0127ix kuntent fi\u017c-\u017cwie\u0121 9,400 kilometru ‘l bog\u0127od minn martu hu u j\u0127allasha l-manteniment dritt mill-kaxxa ta’ Malta.<\/p>\n

\"\"<\/p>\n

I\u017cda meta ma fel\u0127ux aktar g\u0127all-pressjoni popolari, Sai Mizzi \u0121iet sostitwita mid-diplomatiku Ruth Farrugia. I\u017cda, milli jidher, ftit wara lil din Ruth Farrugia bg\u0127atuha f’Beijing u \u0127atru flokha lil Aldo Cutajar fil-Konsolat f’Shanghai.<\/p>\n

Il-\u0127atra ta’ Aldo Cutajar kienet wa\u0127da ta’ natura politika. Dan in\u0127atar biex jirrappre\u017centa lil Malta f’Shanghai b\u0127ala persuna ta’ fidu\u010bja. Il-Kunsill tal-Ewropa di\u0121\u00e0 kellu l-okka\u017cjoni li jikkritika din il-prassi li \u0121iet u\u017cata mill-gvern b’mod e\u017ca\u0121erat g\u0127all-a\u0127\u0127ar biex jag\u0127mel \u0127atriet ta’ ba\u017cu\u017cli u biex jevita l-pro\u010beduri tas-servizz \u010bivili u l-li\u0121ijiet dwar il-\u0127atriet mas-servizz pubbliku.<\/p>\n

It-twe\u0121iba g\u0127all-kritika tal-Kunsill ta’ Ewropa kienet saret minn Mario Cutajar, \u0127u Aldo Cutajar.<\/a> Mario Cutajar huwa l-Kap tas-Servizz \u010aivili. Dan ma jfissirx biss li huwa s-segretarju permanenti tal-Prim Ministru. Lanqas ma jfisser biss li huwa l-img\u0127allem tas-segretarji permanenti l-o\u0127rajn. Ma jfissirx biss li huwa jmexxi s-servizz \u010bivili. Ifisser ukoll li huwa s-segretarju tal-Kabinett tal-Ministri: mhux tal-“kabinett tal-k\u010bina” biss. Ifisser li huwa s-segretarju tal-gvern kostituzzjonali tal-pajji\u017c: il-persuna b’responsabbilt\u00e0 li jie\u0127u azzjoni fuq id-de\u010bi\u017cjonijiet li jittie\u0127du mill-ministri.<\/p>\n

U Mario Cutajar kien fuq quddiem nett meta lil tal-Kunsill tal-Ewropa qalilhom li l-gvern kellu kull dritt li jevita r-regolamenti dwar l-inga\u0121\u0121 mal-gvern biex ikun jista’ j\u0127addem lil min ifettillu, sa\u0127ansitra anki lil persuni b’rekord kriminali, basta jkollhom il-\u0127ila li jg\u0127ajjtu Viva l-Lejber kull meta jkun me\u0127tie\u0121.<\/p>\n

Robert Abela ma jistax jg\u0127id li b’dan kollu ma kien jaf xejn. Kien hu stess li g\u0127a\u017cel lil Mario Cutajar biex imexxi kumitat tal-kabinett dwar il-governanza tajba. Dak i\u017c-\u017cmien, jien kont staqsejt jekk Mario Cutajar kienx ser jirrakkomanda lilu nnifsu b\u0127ala mudell dwar il-governanza tajba.\u00a0<\/a> Kien imissni staqsejt jekk fil-fatt kienx bi \u0127siebu li jirrakkomanda lil \u0127uh.<\/p>\n

Dan – kollu kemm hu – huwa \u0127u Aldo Cutajar. U dan huwa d-difensur ewlieni tal-prassi li permezz tag\u0127ha ji\u0121u nga\u0121\u0121ati persuni b\u0127al Aldo Cutajar g\u0127all-impjieg li kellu.<\/p>\n

Kien bis-sa\u0127\u0127a ta’ din il-politika li, dak li kien il-ministru tal-Affarijiet Barranin Carmelo Abela kien \u0127atar lil Aldo Cutajar fil-Konsolat ta’ Malta f’Shanghai. Kien hu li talab lill-awtoritajiet \u010aini\u017ci li jippermettu lil Aldo Cutajar imexxi operazzjoni – li dwarha ftit huwa mag\u0127ruf – f’pajji\u017chom hu u jgawdi mill-immunit\u00e0 diplomatika b\u0127ala rappre\u017centant ta’ pajji\u017cna.<\/p>\n

Aldo Cutajar kien persuna ta’ fidu\u010bja ta’ Carmelo Abela. Carmelo Abela \u0127alef bih mal-awtoritajiet ta\u010b-\u010aina u mag\u0127na lkoll – a\u0127na li \u0127ri\u0121nilu s-salarju.<\/p>\n

\"\"<\/p>\n

Issa Aldo Cutajar qed ji\u0121i mixli b’\u0127asil ta’ flus. Qed jing\u0127ad li sabulu f’daru ftit inqas minn miljun ewro fi flus kontanti. Jiewn ninsab infurmat minn g\u0127ejjun li nista’ norbot fuqhom li dan l-ammont ta’ flus jista’ jkun wie\u0127ed \u0127afna akbar u li d-dokumenti li nstabu f’daru jitfg\u0127u dawl fuq operazzjoni wiesa’ internazzjonali ta’ \u0127asil ta’ flus li jinvolvi ammonti enormi mhux biss ta’ flejjes i\u017cda wkoll ta’ \u0121ojjelli, proprjetajiet u kontijiet bankarji f’pajji\u017ci o\u0127ra.<\/p>\n

\"\"<\/p>\n

Issa g\u0127anda nistennew li Carmelo Abela g\u0127andu jispjegalna il-g\u0127ala Aldo Cutajar ittradieh.<\/p>\n

I\u017cda l-verit\u00e0 hi li kien Carmelo Abela stess li ttradiena u r-ri\u017cenja tieg\u0127u mill-gvern g\u0127andha ssegwi r-ri\u017cenja ta’ Mario Cutajar stess.<\/p>\n","protected":false},"excerpt":{"rendered":"

F’Malta g\u0127andna \u0127addiema tas-servizz \u010bivili fil-qasam tal-affarijiet barranin u li jintbag\u0127tu biex iservu lill-pajii\u017c lil hinn minn xtutna li huma kapa\u010bi f’xog\u0127olhom. Ikun hemm okka\u017cjonijiet li fihom gvernijiet ikunu \u0121ustifikati li jag\u0127mlu \u0127atriet politi\u010bi g\u0127at-tmexxija ta’ ambaxxati Maltin l-aktar min\u0127abba ra\u0121unijiet li politikament ikunu sensittivi. G\u0127al \u0127atriet diplomati\u010bi, jistg\u0127u jin\u0127atru diplomati\u010bi jew inkella persuni ma\u0127turin […]<\/p>\n","protected":false},"author":1,"featured_media":93713,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/93738\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=93738"}],"version-history":[{"count":1,"href":"https:\/\/manueldelia.com\/mt\/wp-json\/wp\/v2\/posts\/93738\/revisions\/"}],"predecessor-version":[{"id":93739,"href":"https:\/\/manueldelia.com\/mt\/wp-json\/wp\/v2\/posts\/93738\/revisions\/93739\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/93713\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=93738"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=93738"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=93738"}],"curies":[{"name":"wp","href":"https:\/\/api.w.org\/{rel}","templated":true}]}}