![\"\"](\"https:\/\/manueldelia.com\/wp-content\/uploads\/2019\/11\/WhatsApp-Image-2019-11-30-at-11.30.34-1.jpeg\")
<\/p>\n<\/p>\n
Ma kienx Robert Abela li \u0127a d-de\u010bi\u017cjoni li titnieda nkjesta dwar l-assassinju ta’ Daphne Caruana Galizia. Fil-fatt ma kienitx de\u010bi\u017cjoni li \u0127adha xi \u0127add. Kienet biss \u010bessjoni tal-armi wara sentejn s\u0127a\u0127 ta’ re\u017cistenza mill-gvern li baqa’ jirrifjuta li jniedi l-inkjesta minkejja s-sej\u0127iet li kienu sarulu mill-familja tal-vittma, minn dawk li \u0127ar\u0121u jipprotestaw fit-toroq, mill-istampa minn madwar id-dinja u mill-istituzzjonijiet Ewropej.<\/p>\n
G\u0127amlu sentejn s\u0127a\u0127 bil-gabirjoli legalisti\u010bi li permezz tag\u0127hom ippruvaw kemm fel\u0127u, b’falsit\u00e0 liema b\u0127alha, biex jipperswaduna li nkjesta b\u0127al din kienet ser tfixkel il-kors tal-\u0121ustizzja. Ir-realt\u00e0 hi li s’issa l-unika \u0121ustizzja li rnexxielna niksbu kienet li \u010berti persuni \u0121ew im\u0121ieg\u0127la jg\u0127idu l-verit\u00e0 fil-bera\u0127.<\/p>\n
Rajna ministri tal-gvern jikkontradixxu lil xulxin, impjegati mas-servizz \u010bivili jfarfru r-responsabbilt\u00e0 fuq l-img\u0127allmin ta’ fuqhom u politi\u010bi jfarfru fuq ta’ ta\u0127thom. Rajna membri tal-korp tal-pulizija jippruvaw ji\u0121\u0121ustifikaw il-bruda tag\u0127hom bil-g\u0127an li j\u017commu ru\u0127hom ‘il bog\u0127od minn assassinju li kienu fid-dmir li jaraw li ma jse\u0127\u0127x.<\/p>\n
Meta kienu tfasslu t-termini ta’ riferenza, l-membri tal-bord kienu ng\u0127ataw il-libert\u00e0 kollha li jisimg\u0127u xhieda kemm ikun hemm b\u017conn kemm il-darba li dawn jaslu g\u0127al konklu\u017cjoni fi \u017cmien 9 xhur. Ing\u0127ataw ukoll il-fakult\u00e0 li ji\u0121i esti\u017c lilhom dan i\u017c-\u017cmien. L-Im\u0127allfin – tnejn minnhom irtirati u o\u0127ra li trid tla\u0127\u0127aq ukoll max-xog\u0127ol tal-qorti – ftit g\u0127andhom g\u0127ajnuna biex jiflu u jg\u0127arblu l-patafjun ta’ provi li ng\u0127ataw. U fadlilhom x’jisimg\u0127u. Dawn m’g\u0127andhomx il-\u0127addiema tag\u0127hom u m’g\u0127andhomx ri\u010berkaturi jew konsulenti.<\/p>\n
Dakinhar li l-bord tal-inkjesta beda’ x-xog\u0127ol tieg\u0127u, kien di\u0121\u00e0 deher \u010bar li 9 xhur ma kienux ser ikunu bi\u017c\u017cejjed biex jitfassal ir-rapport konklu\u017civ. U dakinhar ukoll \u0127add ma kien bassar li kien ser ikun hemm interruzzjoni ta’ xi xhur min\u0127abba l-imxijja covid-19.<\/p>\n
Issa li d-9 xhur g\u0127addew, il-bord tal-inkjesta talab estensjoni sa Di\u010bembru ming\u0127and il-prim ministru qabel ji\u0121i de\u010bi\u017c ikunx me\u0127tie\u0121 aktar \u017cmien. Il-prim ministru ma laqax it-talba kollha u estendielhom i\u017c-\u017cmien sa Di\u010bembru ming\u0127ajr aktar estensjonijiet.<\/p>\n
L-Im\u0127allfin kienu \u010bari. I\u017c-\u017cmien \u017cejjed li ng\u0127ataw m’huwiex bi\u017c\u017cejjed g\u0127alihom. U Robert Abela jidher li ma kkonsultax mag\u0127hom qabel idde\u010bieda li jestendilhom sa Di\u010bembru biss.<\/p>\n
Abela mexa’ bil-giljottina u din l-im\u0121ieba m’hi xejn \u0127lief wa\u0127da li tfixkel il-\u0121ustizzja. Ir-rapporteur<\/em> tal-Kunsill tal-Ewropa Pieter Omtzigt – bniedem li dam jissielet sentejn s\u0127s\u0127 biex i\u0121ieg\u0127el lill-gvern iniedi l-inkjesta – dalg\u0127odu wera’ t-t\u0127assib tieg\u0127u dwar l-intenzjoni tal-gvern li jg\u0127a\u0121\u0121el il-konklu\u017cjoni tal-inkjesta.<\/p>\n I am deeply concerned by reports that #Malta<\/a> PM @RobertAbela_MT<\/a> may impose an arbitrary and unrealistic time limit on the independent public inquiry into the assassination of #DaphneCaruanaGalizia<\/a> (1\/5)<\/em><\/p>\n \u2014 Pieter Omtzigt (@PieterOmtzigt) September 2, 2020<\/a><\/p><\/blockquote>\n\n