{"id":95234,"date":"2020-10-08T11:38:04","date_gmt":"2020-10-08T09:38:04","guid":{"rendered":"https:\/\/manueldelia.com\/?p=95234"},"modified":"2020-10-08T13:08:38","modified_gmt":"2020-10-08T11:08:38","slug":"iccarrat-il-hajt","status":"publish","type":"post","link":"https:\/\/manueldelia.com\/mt\/2020\/10\/iccarrat-il-hajt\/","title":{"rendered":"I\u010b\u010barrat il-\u0127ajt"},"content":{"rendered":"

Fit-tieni sular tad-Dar \u010aentrali tal-PN hemm l-uffi\u010b\u010bju tas-Segretarju \u0120enerali. Dan l-uffi\u010b\u010bju jinsab fil-qalba tal-makna tal-partit u jinsab imdawwar mill-uffi\u010b\u010bji ta’ impjegati g\u0127olja tal-partit, ta’ konsulenti, ta’ amministraturi u ta’ dawk li ja\u0127dmu fil-qasam tal-komunikazzjoni. M’hemmx numru kbir minn dawn, i\u017cda l-ftit li hemm ja\u0127dmu minn hawn.<\/p>\n

Meta tliet snin ilu Clyde Puli kien le\u0127aq segretarju \u0121enerali, ttella’ \u0127ajt divi\u017corju f’dan is-sular li jifred l-uffi\u010bju tieg\u0127u u dak tal-assistenti tieg\u0127u mill-uffi\u010bji tal-bqija tal-\u0127addiema. U f’dan il-\u0127ajt twa\u0127\u0127al bieb tal-injam li kien jin\u017camm dejjem mag\u0127luq \u0127lief meta kien jinfeta\u0127 permezz ta’ key-code<\/em> li ftit kienu dawk li kienu jafuh.<\/p>\n

Dan il-\u0127ajt kellu effett psikolo\u0121iku g\u0127ax spi\u010b\u010ba biex iddemoralizza lill-\u0127addiema li \u0127assew li ma kienux qed ji\u0121u fdati. Il-\u0127ajt irrappre\u017centa l-mentalit\u00e0 ta’ assedju tat-“tmexxija”, n-nuqqas ta’ \u0127ila li kellha li tiddjaloga mal-ftit ri\u017corsi li kellha, il-bi\u017ca’ mill-isfidi, mill-bidla u mid-dubji.<\/p>\n

Meta Francis Zammit Dimech da\u0127al minflok Clyde Puli wara li rri\u017cenja dan tal-a\u0127\u0127ar fi Frar li g\u0127adda, is-segretarju \u0121enerali l-\u0121did sab li kellu jid\u0127ol g\u0127ad-dmirijiet \u0121odda tieg\u0127u bil-mod. Il-kastell ta’ Adrian Delia kien di\u0121\u00e0 beda’ ji\u0121\u0121arraf i\u017cda hu b\u0127ala kap kien g\u0127adu hemm.<\/p>\n

Kien g\u0127adu hemm sa nhar is-Sibt li g\u0127adda.<\/p>\n

Nhar it-Tnejn filg\u0127odu, Francis Zammit Dimech ta ordni biex ji\u010b\u010barrat\u00a0 il-\u0127ajt u biex il-bieb jitne\u0127\u0127a. Illum il-\u0127ajt m’g\u0127adux hemm.<\/p>\n

Il-bidla bdiet i\u017cda fadal x’isir u t-ti\u010brit tal-\u0127ajt kien \u0121est simboliku ta’ sinjifikat kbir.<\/p>\n

Adrian Delia g\u0127adu qed jidher fuq it-televi\u017cjoni biex lill-kollega tieg\u0127u Jason Azzopardi jg\u0127ajjru giddieb u biex jitlob g\u0127ar-ri\u017cenja tieg\u0127u. Minflok jirringrazzjah talli qed jirriskja \u0127ajtu kuljum hu u jikxef il-verit\u00e0 li qed to\u0127ro\u0121 mill-qorti, Adrian Delia qed jipprova ji\u017colah.<\/p>\n

Din il-verit\u00e0 inkonvenjenti tinkludi stqarrija \u0121uramentata li saret mill-uffi\u010bjal investigatur tal-pulizija li dak li kien \u0121ie rappurtat fil-\u0121urnali dwar il-bdil ta’ messa\u0121\u0121i bejn Adrian Delia u Yorgen Fenech wara li fl-2019 nkixfet l-identita ta’ sid is-17 Black, huwa \u201c\u0121enwin\u201d. Din il-verit\u00e0 inkonvenjenti wasslet biex tellfet lil Adrian Delia it-tmexxija tal-PN. \u00a0 I\u017cda dan jidher li mhux ser i\u0121ieg\u0127el lil Adrian Deli biex b’do\u017ca ta’ umilt\u00e0 u g\u0127aqal li jsodd \u0127alqu.\u00a0Mid-dehra t-tobba qed i\u0127ajru lill-pre\u017centaturi biex f’dawn il-\u0121ranet jistiednu politi\u010bi skreditati g\u0127all-programi tag\u0127hom.<\/a><\/p>\n

U fl-istess \u0127in Adrian Delia baqa’ jiddeverti ma’ dawk li telqu mill-PN wara huwa li tilef l-elezzjoni ta’ nhar is-Sibt li g\u0127adda. Issa g\u0127adda biex jipprova jimmina lill-PN bis-sa\u0127\u0127a tal-mezzi tax-xandir tal-Labour. Forsi meta ne\u0127\u0127a l-kitarra minn fuq \u0127o\u0121ru, pprova jikkonvin\u010bi lil \u0127biebu sabiex jirrispettaw \u201cir-rieda tat-tesserati\u201d u li jkunu \u201cleali lejn il-Kap elett demokratikament\u201d – kantaliena li tant kienu j\u0127obbu jirrepetu.<\/p>\n

\"\"<\/p>\n

G\u0127ad hemm bosta \u0127itan li g\u0127adhom qed jifirdu lill-PN minnu nnifsu.\u00a0 Il-bidla ser ise\u0127\u0127 bil-mod u l-bidla g\u0127all-a\u0127jar ser tiddependi mit-tiri konuni, rieda tajba kollettiva u sens ta’ altruwi\u017cmu.<\/p>\n

Illum fl-uffi\u010b\u010bju tas-segretarju \u0121enerali hemm sens ta’ tama \u0121dida. Dment li s-segretarju \u0121enerali jibqa’ lura milli jsegwi dak li stqarr dan l-g\u0127aref il-biera\u0127 f’Xarabank.<\/p>\n