{"id":95377,"date":"2020-10-14T14:24:46","date_gmt":"2020-10-14T12:24:46","guid":{"rendered":"https:\/\/manueldelia.com\/?p=95377"},"modified":"2020-10-14T17:28:11","modified_gmt":"2020-10-14T15:28:11","slug":"irid-biss-li-jsahhan-is-siggu","status":"publish","type":"post","link":"https:\/\/manueldelia.com\/mt\/2020\/10\/irid-biss-li-jsahhan-is-siggu\/","title":{"rendered":"Irid biss li jsa\u0127\u0127an is-si\u0121\u0121u?"},"content":{"rendered":"

\"\"<\/p>\n

Il-\u0126add li g\u0127adda Raphael Vassallo xandar intervista li huwa g\u0127amel lil Adrian Delia.<\/a> Matul l-intervista, Raphael Vassallo talab lil Adrian Delia jirreagixxi g\u0127al dak li, skont hu, jien kont ktibt fis-sens li hu g\u0127andu jwarrab mill-Parlament. Jekk Raphael Vassallo kien qed jirreferi g\u0127al dak li jien ktibt dwar x’g\u0127andu jag\u0127mel Adrian Delia wara li tilef it-tellieqa g\u0127at-tmexxija tal-PN, kienet mistoqsija pjuttost stramba. \u00a0G\u0127aliex jien qatt ma ktibt li Adrian Delia g\u0127andu jwarrab mill-Parlament.<\/a> Ejjew ng\u0127idu li Raphael Vassallo ma tantx jinqala’ g\u0127ar-ri\u010berka.<\/p>\n

Adrian Delia ma skantax u t-tnejn li huma g\u0127addew biex attakkaw lil \u0121urnalist g\u0127al ra\u0121unjiet li m’humiex imsejsa fuq fatti.<\/p>\n

Ippermettuli ni\u010b\u010baralhom.<\/p>\n

Adrian Delia jmissu jwarrab. Mhux g\u0127aliex tilef it-tellieqa g\u0127at-tmexxija tal-PN. I\u017cda g\u0127aliex qed jing\u0127ad li rrifjuta l-offerta li g\u0127amillu Bernard Grech biex jifforma parti mill-kabinett dell. Jekk tassew ma jrid jag\u0127mel xejn, m’g\u0127andux jibqa’ jokkupa si\u0121\u0121u parlamentari biex jaqg\u0127od isa\u0127\u0127nu u biex jivvendika ru\u0127u.<\/p>\n

\u0120ie rappurtat li lil Bernard Grech wie\u0121bu li jippreferi li jokkupa s-si\u0121\u0121ijiet ta’ wara ming\u0127ajr ma jkollu dikasteru allokat lilu g\u0127aliex, skont hu, dan huwa l-“mudell ta’ Westminster\u201d.<\/a> Adrian Delia wera’ li dan l-hekk imsejja\u0127 “mudell ta’ Westminster” ma jafx x’inhu. Kif kiteb Mark Fenech fil-Facebook,<\/em> dak li kien il-kap tal-oppo\u017cizzjoni fir-Renju Unit – William Hague – ma kien sab diffikult\u00e0 ta’ xejn meta n\u0127atar ministru dell tal-affarijiet barranin mill-kap tal-oppo\u017cizzjoni l-\u0121did David Cameron. Hague ma kienx iddardar meta ng\u0127ata nkarigu fi skaluna ftit aktar baxxa.<\/p>\n