{"id":96198,"date":"2020-11-07T09:47:00","date_gmt":"2020-11-07T08:47:00","guid":{"rendered":"https:\/\/manueldelia.com\/?p=96198"},"modified":"2020-11-07T09:47:00","modified_gmt":"2020-11-07T08:47:00","slug":"repubblika-mhassba-dwar-generazzjoni-mitlufa-ta-tfal-tal-iskola","status":"publish","type":"post","link":"https:\/\/manueldelia.com\/mt\/2020\/11\/repubblika-mhassba-dwar-generazzjoni-mitlufa-ta-tfal-tal-iskola\/","title":{"rendered":"Repubblika m\u0127assba dwar ‘\u0121enerazzjoni mitlufa’ ta’ tfal tal-iskola"},"content":{"rendered":"

Din hi stqarrija li g\u0127amlet dal-g\u0127odu Repubblika.<\/em><\/p>\n

\"\"<\/p>\n

Repubblika hija m\u0127assba \u0127afna fuq il-mod kif il-gvern qieg\u0127ed imexxi s-sitwazzjoni tas-settur tal-edukazzjoni waqt il-pandemija tal-COVID.<\/span><\/p>\n

L-akbar inkwiet tag\u0127na huwa li l-falliment tal-gvern qieg\u0127ed iwassal biex mhux it-tfal kollha jkollhom opportunitajiet indaqs. Qed tit\u0127alla sitwazzjoni fejn l-opportunitajiet li g\u0127andhom it-tfal tag\u0127na ivarjaw skond liema skola li jattendu \u2013 tal-istat, tal-knisja, jew indipendenti u skond ir-ri\u017corsi li l-iskola jkollha. Dan il-falliment u l-politika inkonsistenti tal-gvern qeg\u0127din i\u017cidu l-inegwaljanzi so\u010bjali, xi \u0127a\u0121a li edukazzjoni b\u2019sa\u0127\u0127itha twassal biex ting\u0127eleb. B\u2019mod partikulari, a\u0127na m\u0127assba li meta dan qieg\u0127ed ji\u0121ri fis-snin kru\u010bjali tal-formazzjoni tat-tfal waqt li jsegwu l-programm obligatorju ta\u2019 \u0127dax-il sena. In-nuqqasijiet u l-inegwaljanzi li mhumiex qeg\u0127din ji\u0121u indirizzati jistg\u0127u j\u0127allu impatt kemm fuq l-istudenti g\u0127al \u0127ajjithom kollha, kif ukoll fuq is-so\u010bjet\u00e0 Maltija.<\/span><\/p>\n

Irridu nag\u0127mluha \u010bara li a\u0127na m\u2019a\u0127niex korp ta\u2019 edukaturi jew esperti fil-qasam tal-edukazzjoni. Madanakollu nemmnu li meta demokrazija tonqos milli toffri edukazzjoni lil kul\u0127add, hija demokrazija li tista\u2019 twassal g\u0127al falliment totali. L-edukazzjoni g\u0127andha tkun l-element li jwassal g\u0127all-ugwaljanza bejn kul\u0127add, hija l-g\u0127odda li tne\u0127\u0127i kull inegwaljanza so\u010bjali u li tag\u0127ti li\u010b-\u010bittadini il-\u0127ila li jkunu infurmati, attivi, soddisfatti u li jil\u0127qu l-g\u0127anijiet tag\u0127hom. G\u0127alhekk, qeg\u0127din nag\u0127mlu dawn l-osservazzjonijiet b\u2019tama sin\u010biera li nikkontribwixxu fi sforz nazzjonali biex b\u0127ala so\u010bjet\u00e0 nwettqu l-obbligi tag\u0127na lejn it-tfal.<\/span><\/p>\n

L-ewwel \u0127sieb tag\u0127na huwa li l-edukazzjoni hija dritt universali g\u0127at-tfal kollha. Huwa d-dmir tal-gvern li jassigura li dan id-dritt ji\u0121i im\u0127ares g\u0127al kul\u0127add. A\u0127na m\u2019a\u0127niex nissu\u0121\u0121erixxu li l-gvern g\u0127andu xi \u0127tija g\u0127all-isfidi tal-pandemija tal-Covid. I\u017cda nsostnu li l-gvern mhux biss huwa responsabbli li jassigura li t-tfal ma ji\u0121ux infettati mill-virus, imma wkoll li l-passi li jittie\u0127du biex ma ji\u0121ux infettati ma jwasslux li dawn ma jir\u010bevux l-edukazzjoni li g\u0127andhom dritt g\u0127aliha.<\/span><\/p>\n

G\u0127alhekk a\u0127na inkwetati bid-de\u010bi\u017cjoni tal-gvern li jne\u0127\u0127i l-obbligu tal-\u0121enituri li jassiguraw li t-tfal ta\u2019 et\u00e0 \u017cg\u0127ira jattendu l-iskola regolarment, g\u0127ax inkella jkollhom jiffa\u010b\u010bjaw konsegwenzi skond il-li\u0121i.<\/span><\/p>\n

Id-de\u010bi\u017cjoni li jitne\u0127\u0127a l-obbligu li t-tfal jattendu l-iskola, g\u0127all-ewwel darba mill-1946, \u0121iet ippre\u017centata b\u0127ala soluzzjoni fil-konfront tal-bi\u017ca\u2019 ta\u2019 \u0121enituri ta\u2019 tfal vulnerabbli jew ta\u2019 dik ta\u2019 \u0121enituri ta\u2019 tfal li qeg\u0127din jg\u0127ixu ma\u2019 persuni vulnerabbli. Waqt li huwa d-dover tal-gvern li jsib soluzzjonijiet xierqa g\u0127al dawn il-problemi, id-de\u010bi\u017cjoni tieg\u0127u li jfarfar mill-obbligu li jinforza l-li\u0121i fuq l-edukazzjoni hija soluzzjoni superfi\u010bjali u irresponsabbli. Fl-a\u0127\u0127ar mill-a\u0127\u0127ar din ma ssolvi xejn.<\/span><\/p>\n

Ir-reazzjoni fis-sistema skolastika tag\u0127na qed tvarja \u0127afna. Il-gvern mhux qieg\u0127ed jie\u0127u passi biex jil\u0127aq dawk l-istudenti li mhumiex qeg\u0127din jattendu l-iskola, tal-istat u tal-knisja. Il-Gvern mhux qed jara li dawk li ftit li xejn qeg\u0127din jir\u010bievu edukazzjoni jkunu kkumpensati g\u0127all-edukazzjoni li qeg\u0127din jitilfu.<\/span><\/p>\n

Nafu li \u010berti g\u0127alliema fl-iskejjel tal-knisja u o\u0127rajn, li minkejja d-direttivi tal-unions tag\u0127hom li \u0121ustament qeg\u0127din isostnu li g\u0127andhom ji\u0121u kkumpensati g\u0127ax-xog\u0127ol \u017cejjed, komplew ja\u0127dmu biex jag\u0127tu lit-tfal li baqg\u0127u d-dar xi tag\u0127lim. \u0126afna minnu qed ikun rrekordjat qabel jew inkella f\u2019forma ta\u2019 tag\u0127lim supplementari; dan jista\u2019 jkun ta\u2019 g\u0127ajnuna g\u0127alihom. I\u017cda t-tag\u0127lim li ji\u0121i rrekordjat minn qabel mhuwiex tajjeb g\u0127al kul\u0127add. Hemm b\u017conn soluzzjonijiet o\u0127ra g\u0127al dawk it-tfal fejn il-<\/span>pre-recording <\/span><\/i>mhuwiex adegwat jew fejn hemm nuqqas ta\u2019 g\u0127arfien fl-IT jew nuqqas ta\u2019 tag\u0127mir adegwat fid-dar qieg\u0127ed ixekkel lit-tfal milli jkollhom r-ri\u017corsi edukattivi li je\u0127tie\u0121u.<\/span><\/p>\n

A\u0127na konxji wkoll li hemm \u0121enituri li biex jippruvaw jikkumpensaw g\u0127an-nuqqasijiet fit-tag\u0127lim tag\u0127hom qeg\u0127din jonfqu flus extra biex it-tfal tag\u0127hom jir\u010bievu tag\u0127lim privat online. F\u2019\u010berti ka\u017ci, din l-ispi\u017ca li hija \u0127afna aktar milli bosta familji jistg\u0127u jonfqu, ma kienx ikun hemm b\u017connha li kieku l-istat qed jipprovdi il-<\/span>curriculum <\/span><\/i>s\u0127i\u0127 kif obbligat li jag\u0127mel. Nafu li skejjel indipendenti organizzaw lezzjonijiet online li qed joffru programm ta\u2019 edukazzjoni \u0127afna aktar ta\u2019 benefi\u010b\u010bju milli dak li wie\u0127ed jista\u2019 jni\u017c\u017cel fuq il-kompjuter, li qieg\u0127ed ji\u0121i offrut minn skejjel tal-gvern g\u0127at-tfal li qeg\u0127din id-dar.<\/span><\/p>\n

Imma anke jekk dawn l-inizjattivi huma ta\u2019 g\u0127ajnuna, il-kwalit\u00e0 tag\u0127hom tvarja \u0127afna skond l-inizjattiva u l-kapa\u010bitajiet differenti tal-g\u0127alliema, tal-kapijiet tal-iskejjel, u tal-edukaturi l-o\u0127ra kollha. Tvarja wkoll skond l-impenn tal-\u0121enituri g\u0127all-edukazzjoni tat-tfal tag\u0127hom, u l-entu\u017cja\u017cmu u l-kapa\u010bit\u00e0 tal-istudenti li jridu jitg\u0127allmu ming\u0127ajr ma jkollhom dak l-iskambju mal-edukaturi fil-klassi. L-iskambju personali bejn it-tfal u l-g\u0127alliema huwa ta\u2019 ispirazzjoni u dan jista\u2019 ji\u0121i mfassal skond il-b\u017connijiet tag\u0127hom.<\/span><\/p>\n

Id-diskussjonijiet tag\u0127na ma\u2019 g\u0127alliema u edukaturi juruna li dawn l-inegwaljanzi se j\u0127allu \u0127sara kbira fuq il-kapa\u010bitajiet tal-istudenti; dawn g\u0127andhom \u0127afna anqas possibilit\u00e0 li jirnexxu min\u0127abba l-kwalit\u00e0 inkonsistenti tal-edukazzjoni li qeg\u0127din jir\u010bievu.<\/span><\/p>\n

Studenti li jistg\u0127u jmorru \u0127afna a\u0127jar bl-g\u0127ajnuna ta\u2019 g\u0127alliema u edukaturi li j\u017commu g\u0127ajnejhom fuqhom, li jirrispondu g\u0127all-mistoqsijiet tag\u0127hom, li jindunaw bid-diffikultajiet tag\u0127hom anke meta ma jitkellmux, u li jimmotivawhom biex jo\u0127or\u0121u l-a\u0127jar li g\u0127andhom skond il-kapa\u010bitajiet tag\u0127hom, qeg\u0127din ji\u0121u abbandunati we\u0127idhom fid-djar tag\u0127hom. Meta dan ji\u0121ri f\u2019familji u sitwazzjonijiet fejn il-\u0121enituri ma jistg\u0127ux jikkumpensaw g\u0127at-telfien fl-edukazzjoni tat-tfal tag\u0127hom, wisq probabli d-dannu li qieg\u0127ed isir huwa irreparabbli.<\/span><\/p>\n

L-indifferenza tal-gvern lejn dawn il-problemi hija assolutament ina\u010b\u010bettabli.<\/span><\/p>\n

Il-gvern wera ineffi\u010bjenza kbira fil-mod kif mexa dwar kif l-iskejjel g\u0127andhom jikkontrollaw il-virus. Il-waqfien g\u0127as-sajf in\u0127ela min\u0127abba d-dewmien jew in-nuqqas ta\u2019 azzjoni mill-Ministeru tal-Edukazzjoni. L-istruzzjonijiet tal-a\u0127\u0127ar mument e\u017catt qabel ma fet\u0127u l-iskejjel \u0121ew mibdula drammatikament, ta\u2019 malajr u ripetutament. Dan \u0127oloq sitwazzjoni \u0127afna aktar diffi\u010bli milli kellha tkun sabiex dawk li jamministraw l-iskejjel setg\u0127u ikollhom kollox f\u2019postu g\u0127all-istudenti tag\u0127hom. Dan \u0127oloq in\u010bertezzi u dewmien ina\u010b\u010bettabli g\u0127all-ftu\u0127 tal-ma\u0121\u0121oranza tal-iskejjel.<\/span><\/p>\n

L-edukaturi jg\u0127idulna li l-<\/span>guidelines<\/span><\/i> li fl-a\u0127\u0127ar \u0127ar\u0121u bihom huma miktubin minn nies li ma jifhmux xi tfisser il-\u0127ajja fl-iskejjel, partikolarment l-iskejjel primarji fejn it-tfal i\u0127ossu l-b\u017conn, imma mhux dejjem jesprimuh, li jkunu qrib l-g\u0127alliema tag\u0127hom u edukaturi o\u0127rajn. \u0126rejjef b\u0127all-\u201cb\u017cie\u017caq ta\u2019 sigurt\u00e0\u201d (<\/span>safety bubbles<\/span><\/i>) malajr jinfaqg\u0127u f\u2019sitwazzjonijiet inevitabbli b\u0127at-trasport g\u0127all-iskejjel.<\/span><\/p>\n

Il-\u0127rafa li d-de\u010bi\u017cjonijiet tad-dipartiment tal-edukazzjoni qeg\u0127din i\u0127allu t-tfal \u2018jisso\u010bjalizzaw\u2019 anke waqt i\u017c-\u017cminijiet tal-Covid te\u017cisti biss fl-imma\u0121inazzjoni tad-dipartiment. Fil-parti kbira tal-iskejjel, it-tfal mhumiex qeg\u0127din jag\u0127mlu xog\u0127ol prattiku u l-ebda arti, \u0127lief dik li jistg\u0127u jibdew u jispi\u010b\u010baw fuq l-imwejjed tag\u0127hom. F\u2019\u010berti skejjel, it-tfal ftit li xejn g\u0127andhom opportunit\u00e0 li jitkellmu b\u2019mod informali ma\u2019 \u0127biebhom, l-anqas waqt il-\u2018breaks\u2019, g\u0127aliex iridu jibqg\u0127u jieklu bilqieg\u0127da. G\u0127andhom \u0127afna anqas possibilit\u00e0 li jag\u0127mlu \u0127bieb \u0121odda. Fil-ma\u0121\u0121oranza tal-iskejjel m\u2019hemm l-ebda attivit\u00e0 extra-kurrikulari, l-ebda kun\u010bert, l-ebda log\u0127ob, xejn li jista\u2019 jissejja\u0127 edukazzjoni li jie\u0127du pja\u010bir bih.<\/span><\/p>\n

\u010aerti aspetti huma inevitabbli min\u0127abba \u010b-\u010birkostanzi barra mill-kontroll tal-awtoritajiet. I\u017cda ma jidher li kien hemm ebda sforz biex tin\u0127oloq infrastruttura nazzjonali jew \u2018pool\u2019 ta\u2019 ri\u017corsi biex ittaffi din is-sitwazzjoni.<\/span><\/p>\n

Il-gvern missu qieg\u0127ed jikkonsidra materjal edukattiv g\u0127al-lezzjonijiet \u2018live online\u2019 g\u0127al dawk l-istudenti li jkollhom jibqg\u0127u \u2018id-dar waqt li s\u0127abhom imorru l-iskola. Nafu b\u2019familji li g\u0127andhom il-mezzi biex jixtru kompjuter g\u0127at-tfal tag\u0127hom imma li jirrifjutaw li jag\u0127mlu dan daqs kemm jirrifjutaw li jixtrulhom il-kotba. L-istat g\u0127andu jinda\u0127al biex jassigura li l-ebda tifel jew tifla ma jaqa\u2019 lura min\u0127abba din id-differenza di\u0121itali (<\/span>digital divide<\/span><\/i>) bl-istess mod kif jinda\u0127al li kul\u0127add g\u0127andu jkun jaf jaqra u jikteb. Hemm o\u0127rajn li ma jifil\u0127ux jixtru kompjuter g\u0127ad-dar. Il-gvern g\u0127andu jo\u0127ro\u0121 il-flus biex jassigura li n-nuqqas ta\u2019 possibilitajiet finanzjari ma jsir qatt ostaklu g\u0127all-edukazzjoni.<\/span><\/p>\n

Jekk it-tfal g\u0127andhom b\u017conn aktar lezzjonijiet online, il-gvern g\u0127andu j\u0127allas biex dawn jing\u0127ataw. A\u0127na nissimpatizzaw mal-unions tal-edukaturi fid-diskussjonijiet li qeg\u0127din jag\u0127mlu mal-amministraturi tal-iskejjel tal-knisja. Infakkru lill-gvern li l-iskejjel tal-knisja m\u2019g\u0127andhomx permess li ji\u0121bru mi\u017cati biex i\u0127allsu lill-g\u0127alliema tag\u0127hom u edukaturi o\u0127ra. G\u0127alhekk il-gvern g\u0127andu jirrispetta l-obbligu tieg\u0127u f\u2019dan ir-rigward.<\/span><\/p>\n

Id-dipartiment tal-edukazzjoni ma jistax jibqa\u2019 jfarfar mir-responsabbilit\u00e0 tieg\u0127u biex jinforza l-edukazzjoni obbligatorja. Fi\u010b-\u010birkostanzi attwali a\u0127na nippretendu li d-dipartiment g\u0127andu jkollu rendikont \u010bar tal-istudenti kollha li ma jistg\u0127ux jattendu l-iskola, li jikkuntattja l-familji tag\u0127hom direttament, u li jipprovdi b\u2019kull mezz ne\u010bessarju, servizzi edukattivi li huma tal-inqas l-istess b\u0127al dawk li qeg\u0127din jir\u010bievu s\u0127abhom fil-klassi.<\/span><\/p>\n

A\u0127na nqisu li l-pressjonijiet inevitabbli ta\u010b-\u010birkostanzi attwali m\u2019g\u0127andhomx ji\u0121u ri\u017colti billi jit\u0127affef il-<\/span>curriculum <\/span><\/i>tal-iskola. Uffi\u010bjalment, il-gvern \u0127eles minn dawk is-su\u0121\u0121etti \u201canqas importanti\u201d b\u0127all-mu\u017cika, arti, teatru jew disinn tekniku (<\/span>technical design<\/span><\/i>). Dan ifisser biss li se jkollna tfal anqas edukati. Dan huwa sagrifi\u010b\u010bju li m\u2019g\u0127andniex na\u010b\u010bettaw.<\/span><\/p>\n

Issa l-<\/span>curriculum<\/span><\/i> f\u2019dawk is-su\u0121\u0121etti hekk imsejj\u0127a \u201caktar importanti\u201d ukoll sar \u0127a\u0121a mhux obbligatorja, partikolarment fl-iskejjel tal-istat. Forsi min ma jinkwetawx b\u0127alna li hemm \u0121enerazzjoni ta\u2019 tfal li se jikbru ming\u0127ajr esperjenza ta\u2019 tag\u0127lim ta\u2019 mu\u017cika, teatru, jew <\/span>technical drawing<\/span><\/i>,<\/span> jinkwetaw \u0127afna aktar meta jifhmu li din il-\u0121enerazzjoni ta\u2019 tfal tinkludi bosta li qeg\u0127din jitg\u0127allmu \u0127afna anqas matematika milli suppost.<\/span><\/p>\n

Ma nixtiequx nidhru qisna m\u2019a\u0127niex nirrikonoxxu kemm hi kbira l-isfida g\u0127all-awtoritajiet tal-edukazzjoni. Nafu li hemm eluf ta\u2019 g\u0127alliema u edukaturi o\u0127ra, eluf ta\u2019 \u0121enituri, u eluf ta\u2019 studenti akbar fl-et\u00e0 li qeg\u0127din jg\u0127inu lil \u0127uthom i\u017c-\u017cg\u0127ar fid-dar, kif ukoll mijiet ta\u2019 kapijiet tal-iskejjel u amministraturi qeg\u0127din ja\u0127dmu lejl u nhar biex jg\u0127inu it-tfal tag\u0127na jg\u0127addu minn din il-pandemija ming\u0127ajr ma jitilfu kemm jista\u2019 jkun mill-edukazzjoni tag\u0127hom.<\/span><\/p>\n

Imma qeg\u0127din nosservaw nuqqas kbir ta\u2019 tmexxija mill-awtoritajiet. Ilna xhur ma nisimg\u0127u lill-Prim Ministru jiddiskuti l-edukazzjoni, anke jekk huwa jsostni li \u201cl-ekonomija\u201d hija importanti g\u0127alih. Nisperaw li b\u2019\u201dekonomija\u201d ma jfissirx biss il-benefi\u010b\u010bji li se jifta\u0127ar bihom waqt li jfittex li jer\u0121a\u2019 ji\u0121i elett fil-gvern. Ekonomija vera tinkludi wkoll il-kapa\u010bit\u00e0 tat-tfal tag\u0127na li ja\u0127dmu b\u2019mod produttiv meta jsiru adulti.<\/span><\/p>\n

U sfortunatament, f\u2019Owen Bonnici naraw ministru li m\u2019g\u0127andux il-kapa\u010bit\u00e0 me\u0127tie\u0121a biex jaffronta s-sitwazzjoni. L-uniku su\u010b\u010bess li jista\u2019 jifta\u0127ar bih huwa li g\u0127amel mezz biex ma jkollu l-ebda lment minn dawk li ji\u0121u immultati g\u0127aliex mhumiex qeg\u0127din jibag\u0127tu t-tfal l-iskola.<\/span><\/p>\n

Irridu naraw il-gvern imexxi sforz nazzjonali li jie\u0127u \u0127sieb lit-tfal tag\u0127na u li jassigura li l-vulnerabilit\u00e0 tat-tfulija tag\u0127hom ma tirri\u017cultax f\u2019telf tal-edukazzjoni tag\u0127hom, kif ukoll ta\u2019 sa\u0127\u0127ithom.<\/span><\/p>\n

Irridu naraw infieq \u0121eneru\u017c fuq il-paga tal-g\u0127alliema u ta\u2019 edukaturi o\u0127ra biex in-nies li lilhom nafdaw it-tfal tag\u0127na ji\u0121u ikkumpensati adegwatament. Ix-xog\u0127ol tag\u0127hom huwa erojkament diffi\u010bli anke fl-aqwa \u017cminijiet. F\u2019dawn i\u017c-\u017cminijiet tal-Covid a\u0127na qeg\u0127din nitolbuhom jag\u0127mlu l-impossibli, u qisna qeg\u0127din na\u0127sbu li wara li dawn g\u0127a\u017clu karriera fejn jiddedikaw il-\u0121ranet tag\u0127hom lit-tfal tag\u0127na, issa qeg\u0127din nippretendu li g\u0127andhom ja\u0127dmu g\u0127alihom ukoll bil-lejl ming\u0127ajr ebda kumpens. \u017bieda ta\u2019 xog\u0127ol g\u0127andha ti\u0121i ikkumpensata adegwatament b\u2019\u017cieda fil-paga.<\/span><\/p>\n

Irridu naraw, jekk hemm b\u017conn, li ji\u0121u organizzati volontiera li joffru li jg\u0127inu lit-tfal fix-xog\u0127ol tag\u0127hom, biex i\u017commuhom f\u2019sa\u0127\u0127ithom, biex jassiguraw is-sa\u0127\u0127a fi\u017cika u mentali tag\u0127hom, biex isibu modi innovativi biex jg\u0127inuhom igawdu tfulithom bis-s\u0127i\u0127.<\/span><\/p>\n

Irridu naraw li ji\u0121u allokati fondi li jintefqu g\u0127all-iskejjel kollha f\u2019kull settur biex jinxtara tag\u0127mir a\u0127jar g\u0127all-edukazzjoni g\u0127al dawk li qeg\u0127din online u g\u0127al dawk li qeg\u0127din fil-klassi, biex ji\u0121u iffinanzjati attivitajiet \u2018extra-curricular\u2019 u li ji\u0121u \u017cviluppati malajr programmi g\u0127as-so\u010bjalizzazjoni, g\u0127ax-xog\u0127ol prattiku u g\u0127all-espressjoni artistika g\u0127at-tfal.<\/span><\/p>\n

It-tfal tag\u0127na jist\u0127oqqilhom \u0127afna a\u0127jar minn dak li qieg\u0127ed itihom il-gvern. A\u0127na ne\u017ci\u0121u li din is-sitwazzjoni tinbidel.<\/span><\/p>\n","protected":false},"excerpt":{"rendered":"

Din hi stqarrija li g\u0127amlet dal-g\u0127odu Repubblika. Repubblika hija m\u0127assba \u0127afna fuq il-mod kif il-gvern qieg\u0127ed imexxi s-sitwazzjoni tas-settur tal-edukazzjoni waqt il-pandemija tal-COVID. L-akbar inkwiet tag\u0127na huwa li l-falliment tal-gvern qieg\u0127ed iwassal biex mhux it-tfal kollha jkollhom opportunitajiet indaqs. Qed tit\u0127alla sitwazzjoni fejn l-opportunitajiet li g\u0127andhom it-tfal tag\u0127na ivarjaw skond liema skola li jattendu \u2013 […]<\/p>\n","protected":false},"author":1,"featured_media":96156,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/96198\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=96198"}],"version-history":[{"count":1,"href":"https:\/\/manueldelia.com\/mt\/wp-json\/wp\/v2\/posts\/96198\/revisions\/"}],"predecessor-version":[{"id":96199,"href":"https:\/\/manueldelia.com\/mt\/wp-json\/wp\/v2\/posts\/96198\/revisions\/96199\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/96156\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=96198"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=96198"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=96198"}],"curies":[{"name":"wp","href":"https:\/\/api.w.org\/{rel}","templated":true}]}}