![\"\"](\"https:\/\/manueldelia.com\/wp-content\/uploads\/2021\/04\/file.aspx_.jpeg\")
<\/p>\n<\/p>\n
In\u0127e\u0121\u0121i\u0121kom issegwu din is-sensiela. Tajjeb li mmorru lura fi\u017c-\u017cmien g\u0127aliex tkunu tistg\u0127u tinteb\u0127u kif politi\u010bi tal-Labour kienu libsu l-maskri ma’ wi\u010b\u010bhom biex jikkonvin\u010buk li huma dejjem kienu konsistenti. I\u017cda kull darba li narrattiva li jippruvaw ibellg\u0127u ma tkunx konsistenti mal-fatti, jippruvaw jag\u0127mlu minn kollox biex inessuk.<\/p>\n
Araw naqra li Owen Bonnici – bniedem li bosta kienu dawk li \u0127asbu li kien xi stilla tal-Partit Laburista. Kienet g\u0127adha kemm fe\u0121\u0121et l-a\u0127bar li Keith Schembri kien \u0127oloq trust<\/em> fi New Zealand biex din tkun is-sid tal-kumpannija fil-Panama.<\/p>\n Dan kien skandlu li kien messu wassal biex Keith Schembri (u Konrad Mizzi li kien g\u0127amel l-istess \u0127a\u0121a) ittajjar minn postu. Kien messu \u0121ie m\u0121ieg\u0127el iwarrab dak il-\u0127in stess.<\/p>\n Dan l-a\u0127\u0127ar smajna li n\u0121iebet prova li, biex \u0127olqulu dawn l-istrutturi, tan-Nexia BT t\u0127allsu \u20ac9,000 ming\u0127and Keith Schembri. Kull min g\u0127a\u017cel li jifta\u0127 kont bankarju f’bank jaf li, min ig\u0127addi minn dawn il-pro\u010beduri kumplikati kollha biex sempli\u010bement jinfeta\u0127 kont bankarju, ma jiswiex tebaq fwiedu.<\/p>\n Napprezza l-fatt li n-nies li taqlag\u0127ha u tiekolha wara li tkun \u0127allset it-taxxa dovuta minnha, diffi\u010bli g\u0127aliha biex tifhem il-manuvri kumplikati li jwasslu g\u0127al layering<\/em> u g\u0127all-\u0127asil ta’ flus ma\u0127mu\u0121in.<\/p>\n U napprezza wkoll li hemm minn jippreferi li jammira lil min ikollu \u0127afna flus ming\u0127ajr ma jistaqsi lilu nnifsu mnejn dawn il-flus setg\u0127u waslu f’butu.<\/p>\n I\u017cda Owen Bonnici \u2013 u l-kollegi ta’ Keith Schembri u ta’ Konrad Mizzi fil-kabinett \u2013 dawn il-manuvri jifhmuhom sewwa. U din hi appuntu r-ra\u0121uni l-g\u0127ala huma responsabbli talli b’dawn l-“ispjegazzjonijiet” g\u0127addew poplu s\u0127i\u0127 bi\u017c-\u017cmien.<\/p>\n L-a\u0127bar li Keith Schembri \u0127oloq l-istrutturi fi New Zealand u l-Panama, Owen Bonnici jinstema’ j\u010bekkinha u jsejj\u0127ilha kontravvenzjoni amministrattiva li ta’ spiss ti\u0121ri lil “diversi impjegati” u li tista’ tissewwa b’arran\u0121ament mad-dipartiment tat-taxxa.<\/p>\n Innutaw li g\u0127amel u\u017cu ripetut mill-kelma “amminstrattiv” biex b’hekk ma jsejja\u0127x l-im\u0121ieba ta’ Keith Schembri dik li fil-fatt kienet: ji\u0121ifieri m\u0121ieba kriminali. U l-kliem \u2018diversi impjegati\u2019 \u0127adu post il-kliem \u2018politi\u010bi korrotti li abbu\u017caw mis-setg\u0127a politika biex jimla’ l-bwiet tieg\u0127u\u2019. U l-kelma \u2018tissewwa\u2019 \u0127adet post il-kliem \u2018jie\u0127du dak li \u0127aqqhom skont il-li\u0121i\u2019.<\/p>\n U issa li Keith Schembri jinsab jiekol ikla \u0127abs, tal-Partit Laburista bil\u0121ri re\u0121g\u0127u koppi. ‘Il quddiem bi \u0127siebni nikteb dwar il-konver\u017cjoni Damaxxena ta’ Marie Louise Coleiro Preca. Dan qed insemmieh g\u0127aliex tal-Labour issa qed jippruvaw i\u017commu ‘l bog\u0127od minn ma’ Keith Schembri (u eventwalment minn ma’ Konrad Mizzi u forsi anki minn ma’ Joseph Muscat).<\/p>\n Li je\u0127tie\u0121 li tiftakar in-nies hi li, kieku riedu, tal-Partit Laburista kellhom opportunitajiet bil-g\u0127ama biex ikunu onesti mag\u0127hom infushom u mal-elettorat Malti. Minflok, gidbu kemm fel\u0127u f’wi\u010b\u010b in-nies.<\/p>\n Ag\u0127tu daqqa t’g\u0127ajn lejn dan il-filmat li fih jidher Owen Bonnici jg\u0127idilna li dak li ma kien \u0121ara’ xejn b’dak kien g\u0127amel Keith Schembri.<\/p>\n