{"id":99947,"date":"2021-04-05T09:24:57","date_gmt":"2021-04-05T07:24:57","guid":{"rendered":"https:\/\/manueldelia.com\/?p=99947"},"modified":"2021-04-05T10:55:39","modified_gmt":"2021-04-05T08:55:39","slug":"il-mazzun-ma-kien-hadd-hlief-miriam-dalli","status":"publish","type":"post","link":"https:\/\/manueldelia.com\/mt\/2021\/04\/il-mazzun-ma-kien-hadd-hlief-miriam-dalli\/","title":{"rendered":"Il-mazzun ma kien \u0127add \u0127lief Miriam Dalli"},"content":{"rendered":"

\"\"<\/p>\n

Din li \u0121ejja, o\u0127ra.<\/p>\n

Segwu dan il-filmat li n\u0121ibed ftit qabel l-elezzjoni tal-2017 u li fih tidher Miriam Dalli tix\u0127et il-\u0127tija tal-partit tag\u0127ha u tal-mexxej tal-partit tag\u0127ha g\u0127al fuq spallejn Simon Busuttil.<\/p>\n

Din tinstema’ tg\u0127id li Simon Busuttil jibla’ dak kollu li jbellg\u0127ulu. Issejja\u0127lu b\u0127ala bniedem superfi\u010bjali g\u0127aliex ma’ ji\u010b\u010bejkkjax il-fatti. G\u0127ajjritu bniedem giddieb li jfajjar akku\u017ci foloz kontra persuni inno\u010benti bit-tama li dawn je\u0127lu u jitwemmen.<\/p>\n

Dan id-diskors se\u0127\u0127 f’dik il-\u0121img\u0127a stess li fiha Simon Busuttil kien tela’ t-tara\u0121 tal-bini tal-qorti flimkien ma’ kollegi u assistenti tieg\u0127u li lkoll kienu mg\u0127obbijin b’nofs tu\u017c\u017cana box files<\/em> mimlijin bil-provi. U hekk kif \u0127are\u0121 mill-bini tal-qorti, Simon Busuttil spjega li kien g\u0127adda d-dokumenti lill-qorti biex jipprova li Keith Schembri kien \u0127asel flejjes ma\u0127mu\u0121in f’\u017cew\u0121 transazzjonijiet: wa\u0127da flimkien ma’ Adrian Hillman u l-o\u0127ra flimkien ma’ Brian Tonna.<\/p>\n

Il-mazzun ma kien \u0127add \u0127lief Miriam Dalli. Kienet proprju hi li emmnet dak li qalilha Joseph Muscat li l-\u2018box files<\/em> kienu vojta\u2019. U tassew trid tkun mazzun biex temmen dan il-gideb u tibilg\u0127u. Li kieku Simon Busuttil tassew g\u0127adda salt box files<\/em> vojta lill-qorti, ibqg\u0127u \u010berti li l-Ma\u0121istrat kien isibu \u0127ati ta’ disprezz lejn il-qorti u jwa\u0127\u0127lu multa.<\/p>\n

Is-superfi\u010bjalit\u00e0 wrietha Miriam Dalli. Minflok belg\u0127et dak li bellg\u0127alha Joseph Muscat, kien messha \u010b\u010bekkjat il-fatti hi stess. Il-fatti juru li kien il-Ma\u0121istrat stess li ddikjara li kellu bi\u017c\u017cejjed dokumenti u provi f’idejh biex seta’ jifta\u0127 inkjesta. I\u017cda l-verit\u00e0 li Miriam Dalli rat b’g\u0127ajnejha injoratha u minflok g\u0127a\u017clet li temmen lil Joseph Muscat.<\/p>\n

Miriam Dalli gidbet. Lil Simon Busuttil xlietu b’mod falz li \u2018vvinta\u2019 jew li \u2018emmen l-allegazzjonijiet ta’ korruzzjoni\u2019 kontra Keith Schembri. U gidbet dwar Simon Busuttil meta xlietu li hu giddieb.<\/p>\n

Issa stennew li Miriam Dalli ser tag\u0127mel minn kollox biex i\u017c\u017comm ru\u0127\u0127a ‘l bog\u0127od minn Keith Schembri. U dalwaqt ser ikun imissu Konrad Mizzi. U xi darba ser ikun imissu wkoll sa\u0127ansitra Joseph Muscat. Ibqg\u0127u \u010berti li ser tg\u0127id li hi qatt ma kellha x’taqsam mag\u0127hom u ser tipprova tnessikom dak li di\u0121\u00e0 tafu dwar l-im\u0121ieba tag\u0127ha tal-img\u0127oddi. Ara ma tmorrux ta\u0127sbu li din ser terfa’ r-responsabbilt\u00e0 talli gidbet lill-partit tag\u0127ha u lill-elettorat Malti.<\/p>\n

I\u017cda jkun tajjeb li wie\u0127ed jiftakar u g\u0127aldaqstant in\u0127e\u0121\u0121i\u0121kom issegwu l-filmat li \u0121ej.<\/p>\n