{"id":99998,"date":"2021-04-05T14:16:09","date_gmt":"2021-04-05T12:16:09","guid":{"rendered":"https:\/\/manueldelia.com\/?p=99998"},"modified":"2021-04-05T19:24:36","modified_gmt":"2021-04-05T17:24:36","slug":"kienu-qarrqu-bil-partit-u-bil-pajjiz","status":"publish","type":"post","link":"https:\/\/manueldelia.com\/mt\/2021\/04\/kienu-qarrqu-bil-partit-u-bil-pajjiz\/","title":{"rendered":"Kienu qarrqu bil-Partit u bil-pajji\u017c"},"content":{"rendered":"

\"\"<\/p>\n

M’hix \u0127a\u0121a daqshekk iebsa, wara kollox, li wie\u0127ed jag\u0127\u017cel li jisku\u017ca ru\u0127u.\u00a0 Il-biera\u0127 Marie Louise Coleiro kitbet li tal-Partit Laburista g\u0127andhom jisku\u017caw ru\u0127\u0127om ma’ dawk il-persuni li kienu bellg\u0127uhielhom li tal-Labour g\u0127andhom xi kredenzjali ta’ moralit\u00e0.<\/a> Id-deputat mexxej tal-partit Daniel Micallef wie\u0121eb li g\u0127alih m’hix problema li jisku\u017ca ru\u0127u ma’ dawk li j\u0127ossuhom imwe\u0121\u0121g\u0127in bl-im\u0121ieba ta’ erba’ minn nies.<\/a><\/p>\n

Ka\u017c mag\u0127luq?<\/p>\n

Innutaw li wie\u0121eb li m’hix problema g\u0127alih li jag\u0127mel apolo\u0121ija. \u010aertament li twe\u0121iba b\u0127al din minnha nnifisha m’hix apolo\u0121ija. G\u0127alih l-apolo\u0121ija hi biss ipotesi. Dan ifisser li m’humiex i\u0127ossu ebda ndiema g\u0127aliex, li kieku tassew nidmu, ma kienux jg\u0127idu li m’g\u0127andhomx problema li jaslu biex jitolbu sku\u017ca. Kienu jaqbdu u jisku\u017caw ru\u0127\u0127om.<\/p>\n

Innutaw ukoll li stqarr li m’g\u0127andux problema li jisku\u017ca ru\u0127u ma’ dawk li j\u0127ossuhom imwe\u0121\u0121g\u0127in. Ma jg\u0127idx jekk dawn g\u0127andhomx ra\u0121un jew le li j\u0127ossuhom imwe\u0121\u0121g\u0127in. Spe\u010bi ta, jiddispja\u010bih li dawn i\u0127ossuhom imwe\u0121\u0121g\u0127in, i\u017cda mhux ser ig\u0127idilhom g\u0127andhomx ra\u0121un jew le li j\u0127ossuhom imwe\u0121\u0121g\u0127in g\u0127ax inkella jkun je\u0127tie\u0121 li jerfa’ r-responsabbilt\u00e0 talli kien ka\u0121un tal-we\u0121g\u0127at. U g\u0127aldaqstant jippreferi li jag\u0127mel apolo\u0121ija biss ming\u0127ajr ma jerfa’ r-responsabbilt\u00e0 g\u0127all-im\u0121ieba tieg\u0127u.<\/p>\n

Innutaw ukoll li jsemmi “n-nuqqasijiet fl-im\u0121ieba ta’ erba’ minn nies\u201d. Hawn jidher li ma jaqbilx mal-fehma ta’ Marie Louise Coleiro Preca fis-sens li l-Partit Laburista je\u0127tie\u0121 jid\u0127ol da\u0127la fih innifsu. G\u0127aliex skont Daniel Micallef ru\u0127 il-Partit Laburista tinsab f’postha. Il-problema tikkon\u010berna biss “erba’ minn nies” u g\u0127aldaqstant m’g\u0127andux je\u0127el il-Partit Laburista kollu.<\/p>\n