Lil tat-Times of Malta Joseph Muscat għamlilhom kumment wieħed biss: "Naqbel għal kollox mal-kummenti li għamel il-prim ministru." Mur obsor ħej! Id-dinja forsi tibda' tieħu lil Malta bis-serjetà dakinhar li Joseph Muscat ikollu għalxiex ma jaqbilx mal-prim ministru. S'issa l-Kink għadu l-Kink. Prosit Prim Ministru.

Għandna dejjem inkunu pożittivi. M'aħniex ħżiena daqs il-Korea ta' Fuq u l-Iran. Għaldaqstant, viva l-lejber!

Li kieku Malta hi pajjiż normali, bħalissa għandna kriżi politika taħraq fuq ħoġorna. Ninsabu fuq il-Lista l-Griża mhux minħabba xi diżgrazzja li ġratilna bħal meta kienet faqqgħet kriżi dwar il-prezz taż-żejt. Jew bħal meta nkalja vapur u niġġeż il-baħar jew bħal meta jseħħ xi terremot. Dak li seħħ il-bieraħ ma kien xejn ħlief falliment politiku [...]