Ikun hemm mumenti li fihom kważi kważi tibda' biex titħassar lill-Avukat Ġenerali li hi l-prosekutur prinċipali ta' gżiritna. Xogħolha - li m'huwiex xi xogħol pjaċevoli - jikkonsisti fil-ġlieda kontra l-kriminalità. Ir-riżorsi li għandha għad-dispożizzjoni tagħha huma inqas mir-riżorsi li jinsabu f'idejn il-kriminali li suppost qiegħda hemm biex tegħleb. Lill-avukati prinċipjanti li għandha madwarha tħallashom pagi [...]