i Ma' sider Anġlu Gafà għadhom kemm dendlu midalja b'rikonoxximent għal "servizz twil u effiċjenti". Teknikament il-midalja jdendilhielu l-Ministru tal-Intern. Fil-prattika, jdendilha ma' sidru hu stess. Din hi midalja tabiħaqq prestiġġjuża. Midalja li dan l-aħħar iddendlet ukoll ma' sider Ian Abdilla, bniedem li mingħalih li l-kriminalità tiġġildilha billi tiġbdilha ritratt. Għandu żmien biżżejjed fuqu biex [...]

Dawk il-politiċi li, wara li jkunu warrbu mis-setgħa, jitqabbdu biex jaħdmu jew jingħataw xogħol minn persuni li kienu, fiż-żmien li fih servew ta' ministri, tqabbdu minnhom permezz ta' kuntratti huma ħatja ta' imġiba li tmur kontra l-etika. U jekk dawn il-politiċi m'għandhomx il-ħila jikkontrollaw lilhom infushom, għandu jkun hemm liġijiet li jwaqqfuhom u li jimmultawhom. [...]