Issemmejt fid-dibattitu tal-bieraħ li seħħ fl-Università bejn il-mexxejja tal-partiti. Il-moderatriċi, Yasmine Ellul (li spikkat ferm matul id-dibattitu) staqsiet mistoqsijiet lill-mexxejja dwar it-twettiq tar-rakkomandazzjonijiet tal-Imħallfin tal-inkjesta dwar il-qtil ta' Daphne Caruana Galizia. F'dak il-kuntest, Bernard Grech semma' l-famuż kartellun tal-Partit Laburista li fih ritratt tiegħi. Il-mexxej Nazzjonalista fakkar (għal darb'oħra) li tal-Labour ma tgħallmu xejn minn [...]