X’qalu verament l-ambaxxaturi tal-Kunsill tal-Ewropa

Araw din l-intervista li Fr Joe Borg u jien għamilna lil Pieter Omtzigt ilbieraħ fuq l-RTK biex niddiskutu t-tweġibiet li rċieva mingħand ambaxxaturi għal 47 pajjiż Ewropew tal-Kunsill tal-Ewropa dwar il-konsegwenzi tal-assassinju ta’ Daphne Caruana Galizia.

Fil-bidu, naturalment, f’Malta r-rispons li rċieva kien irrappurtat kif immanipulat mill-gvern li għamel minn kollox biex f’eżerċizzju ta’ spin jagħti x’jifhem li l-Kunsill tal-Ewropa kien qiegħed b’xi mod japprova l-ħidma tal-Gvern Malti.

Madanakollu, fir-realtà, dan ma kienx assolutament il-każ.

Biex inkunu ġusti mal-ġurnalisti li kienu minn ta’ quddiem biex jirrappurtaw dwar dan il-każ, il-Kunsill tal-Ewropa huwa istituzzjoni diplomatika speċifika, għalkollox differenti minn istituzzjonijiet oħrajn, u ma jaħdimx bħall-Unjoni Ewropea. Għalhekk bilfors li kellu jgħaddi ftit taż-żmien sakemm saret l-analiżi kif suppost ta’ dak li verament intqal u x’kien ifisser verament.

Pieter Omtzigt huwa membru parlamentari f’isem l-Olanda u jifforma parti mill-Assemblea Parlamentari tal-Kunsill tal-Ewropa.