Dan huwa l-editorjal ta' The Malta Independent li jesprimi diżappunt bir-rappurtaġġ tal-mezzi tax-xandir tal-PN. Il-ġurnali jipparaguna dan ir-rappurtaġġ mal-propaganda ta' żmien il-komuniżmu fir-Russja u dan il-paragun ċertament ma sarx b'tifħir. Il-PN issa ilu għal bosta snin sid tal-mezzi tax-xandir tiegħu. Il-ġurnali tiegħu huma meqjusa bħala l-leħen tal-partit u dejjem servew biex iwasslu l-fehma tal-partit lin-nies. [...]

Din l-ġejja ntbagħtitli ftit ilu minn persuna magħrufa minni: Xi drabi jgħaddi dan il-ħsieb minn moħħi: "x'kien jiġri li kieku s-servers ta' Mossack Fonseca ma ġewx hacked?"  Immaġinaw ftit. L-ismijiet 17 Black, Hearnville, Tillgate u Egrant ma kienu jfissru xejn. F'moħħna l-Panama kien jibqa' biss dak il-pajjiż imbiegħed li xogħlu hu li jaqdi mill-koxxa l-barunijiet [...]