Keith Schembri wiegħed li jgħidilna l-verità Tiskanta kif ċerti nies iwiegħdu dak li hu minn ewl id-dinja. Jumejn ilu Joseph Muscat wiegħed li ser jibqa' disponibbli li jwieġeb il-mistoqsijiet tal-pulizija. Għaliex? Jaqaw issa għandna għażla? Hawn xi ħadd li għandu l-jedd li jaħrab milli jwieġeb il-mistoqsijiet tal-pulizija? Jaqaw Keith Schembri qed igħid li hawn xi [...]
Għaliex jekk ma nagħmlu xejn, il-qattiela ta' Daphne jgħadduha lixxa. Għaliex serqulna flus li jridu jintraddu lura. Għaliex ma nistgħux nittamaw li ssir il-ġustizzja kemm il-darba din l-inġustizzja titħalla għaddejja. Għaliex jekk ma jiġux ikkastigati, il-politiċi tal-llum u dawk ta' għada jibdew jaħsbu li jistgħu jgħadduha lixxa fuq kollox. Għaliex il-partiti politiċi m'humiex jiffunzjonaw. [...]
Ftit huma dawk li kienu emmnu li Joseph Muscat ma kien jaf xejn dwar dak li kien qed iseħħ taħt imnieħru. Meta fl-2016, kien irrifjuta li jkeċċi lil Konrad Mizzi u lil Keith Schembri meta dawn inqabdu li kienu ħolqu kumpanniji sigrieti fil-Panama, kien ta ħjiel qawwi li hu kien imdaħħal magħhom. U konna fhimna [...]
Ir-Reuters u t-Times of Malta llum xandru dettalji dwar is-serqa kbira tal-Montenegro li permezz tagħha flus tal-Korporazzjoni Enemalta (jiġifieri, flusek, flusi u flus kull min iħallas it-taxxa u ta' kull min jikkonsma d-dawl f'Malta) baqgħu sejrin fil-bwiet ta' Yorgen Fenech, ta' Keith Schembri, ta' Konrad Mizzi u ta' kompliċi mill-Azerbajġan. Il-kwistjoni hi waħda kumplikata. U [...]
Agħtu daqqa t'għajn lejn din l-istorja li xandret The Shift News dwar Lionel Gerada, disk-jockey li għamel isem hu u jwerżaq "Joseph!", "Joseph!" fil-mass meetings tal-Labour. Kien galoppin ta' Konrad Mizzi. Issa l-ħallelin għandhom drawwa li jxommu lil xulxin minn seba' mili bogħod u dawn it-tnejn kienu saru qaqoċċa. Lionel Gerada kien għoddu kielha l-għatba [...]
Kien ikun ferm aħjar li kieku rabba xi ftit tal-esperjenza fit-tmexxija ta' organizzazzjoni kwalunkwe qabel tgħabba bil-piż tal-ħatra bħala prim ministru u bħala mexxej tal-Partit Laburista. L-imġieba tiegħu fil-konfront ta' Chris Cardona qed tkun waħda dgħajjfa. Li kieku Robert Abela għamel żmien bħala president ta' xi għaqda tal-kollezzjonisti tal-bolli jew ta' xi klabb tal-boċċi, kien [...]
Għiduli li tridu imma dan li ġej inħoss li hu rilevanti. Mill-intervista li għamel Ivan Martin lil Lawrence Cutajar: L-assassinju ta' ġurnalista seħħ fiż-żmien meta kont Kummissarju int. Bħala kap tal-pulizija, int kellek ir-responsabbiltà li tħares is-sigurtà pubblika. Dan l-assassinju kien wieħed mill-akbar diżappunti tal-karriera tiegħi. Iżda hemm xi ftit tal-konsolazzjoni, xi ftit tas-sodisfazzjon, u [...]
Il-kontradizzjonijiet fit-tweġibiet li ta Lawrence Cutajar lil Ivan Martin f'intervista lit-Times of Malta huma lampanti. Dan insista li lil Edgar Brincat “il-Ġojja” bil-kemm kien jafu. Qal li kien ilu ma jkellmu għal żmien twil u kien jafu miż-żmien meta kien serva ta' spettur tal-pulizija. Dan Brincat kien ikun fil-korsa tat-tiġrijiet taż-żwiemel u kien jarah hemm. [...]
F'April 2018, jiġifieri sitt xhur wara l-qtil ta' Daphne Caruana Galizia, l-mexxejja tal-Europol kienu waslu biex jinbidlu. Id-direttur tagħha Rob Wainwright kien jeħtieġ li jwieġeb għal ittra li kienet bgħatitlu l-eks membru parlamentari Ewropea Ana Gomes li fiha talbitu informazzjoni dwar fejn kien wasal il-proċess tal-investigazzjoni dwar il-qtil ta' Daphne Caruana Galizia. Għalkemm Rob Wainwright [...]
Għal ftit ma jaqbdekx id-daħk int u tara lil Chris Cardona jinjora l-pressjoni pubblika li l-mexxej tiegħu Robert Abela għamel fuqu biex iwarrab minn deputat mexxej tal-partit tiegħu u tarah jgħid li m'għandu ebda intenzjoni li jwarrab. U dan minkejja l-fatt li Robert Abela ġie kwotat li qal li jinsab ċert li Chris Cardona kien [...]
m Edward Scicluna qarraq bil-kbir f'intervista li ta llum lit-Times of Malta. Huwa stqarr li l-inkjesta li qed issir dwar l-imġieba tal-ministri tal-kabinett fejn jidħol l-użu ta' flejjes pubbliċi biex issir propaganda fuq il-media soċjali u fuq il-Facebook, m'hi xejn ħlief "farsa". U għamel tiegħu l-iskuża li kien ġab Robert Abela meta l-Kummissarju l-Istandards fil-Ħajja [...]
Il-membri parlamentari tal-Oppożizzjoni ddeċidew li jibbojkottjaw is-seduta parlamentari li ser tgħarbel in-nomina Angelo Gafà għall-kariga ta' kummissarju tal-pulizija. Għalkemm kien hemm min ma qabilx mal-bojkott, nista' nifhem il-għala ttieħdet din id-deċiżjoni. Kif naraha jien, jekk issir taf li int fiċ-ċentru ta' ħadma, ikun aħjar jekk twarrab. Għax jekk int tipparteċipa f'ħadma, issir parti minnha u [...]
Net TV xandar ritratt ta' Konrad Mizzi ħiereġ mis-sala tal-Ajruport Internazzjonali ta' Malta. Qabel ġie lura Malta, seta' wera xi ftit tad-diċenza u ta żmien biex il-ħatra ta' Angelo Gafà tiġi konfermata. Konrad Mizzi ilu żmien twil jibgħat ċertifikati mediċi mir-Renju Unit li jiċċertifikaw li ma kienx f'sikktu biżżejjed għall-ivvjaġġar biex seta' jaqdi d-dmirijiet parlamentari [...]
L-awtoritajiet tal-ħabs qed jagħmlu kaċċa għal min qed iwassal stejjer lill-ġurnalisti u dan wara li xxandar rapport fin-Newsbook dwar festini, xalar u ħruq illegali ta' nar fil-ħabs Jien rajt ritratti ta' gwardjani tal-ħabs jixorbu xorb alkoħoliku f'festini organizzati fil-ħabs mid-direttur tal-ħabs Alexander Dalli. Ir-ritratti tqasqsu biex ma jintgħarfux il-gwardjani tal-ħabs li mxew fuq l-ordnijiet [...]
Qatt ma kien il-ħsieb tagħna li noqgħodu jdejna fuq żaqqna wara li warrab Joseph Muscat. Minkejja x-xettiċiżmu li ħassew, kienu bosta li fehmu li Robert Abela kien jistħoqqlu li jingħata ċans li jwettaq il-wegħdiet li kien għamel li jeqred l-impunità. M'għandniex xi ngħidu, l-kliem bħaċ-ċirasa. Ta' qablu kien stqarr li kien ser jagħmel minn kollox [...]
Byron Camilleri keċċa lil Lawrence Cutajar wara li ġie żvelat li “l-kbir ta’ Ħal Luqa” - kif sejjaħlu Melvyn Theuma llum fil-qorti - kien jikkanċella l-multi mill-iskrivanija tiegħu fil-kwartier ġenerali tal-pulizija u kien jimmina xogħol l-uffiċjali investigattivi billi jtarraf lill-kriminali b'informazzjoni dwar l-arrest imminenti tagħhom. Robert Abela kien aċċetta r-riżenja ta' Lawrence Cutajar bħala Kummissarju [...]
Il-bulijiet tas-soltu reġgħu rħewlha għall-Facebook u qed jheddu lil kulħadd biex ara ma jmurx igħaddilhom minn rashom biex jibdew il-protesti fil-Belt Valletta. Il-faxxisti m'humiex kuntenti li l-attivisti għamlu sejħa biex in-nies tinġabar fil-Belt Valletta biex jitfakkar Lassana Cisse, raġel iswed li nqatel għal xejn b'xejn minn uffiċjali libsin l-uniformi. Il-ġustizzja ma' Lassana għadha ma saritx u [...]
Il-proċess tal-għażla ta' Kummissarju tal-Pulizija ġdid sar aktar kumplikat milli qatt kien. Iżda wieħed seta' jbassar min kien ser jinħatar. L-għażla ta' Angelo Gafà ma kienitx sorpriża, bl-applikazzjoni ta' pulizija li kien isawwat lis-sieħba tiegħu u li kien warrab skreditat, b'kollox. Dan huwa pajjiż tal-lagħba. Il-proċess tal-għażla tal-kap tal-pulizija huwa mmexxi mill-Kummissjoni tas-Servizz Pubbliku li l-membri [...]
Agħtu daqqa t'għajn lejn dan ir-ritratt. Jidher li Robert Abela ma fehemx il-għala inżebgħet mal-art bl-abjad dik il-marka. Inżebgħet biex iżomm żewġ metri 'l bogħod mill-iSpeaker. Qatt sema' dan bit-tifsira taż-żamma tad-distanzi soċjali? U dan ir-ritratt t'hawn isfel iserrħilna moħħna li tal-Oppożizzjoni qed jagħmlu għassa stretta fuq il-Gvern. Ngħid jien, x'kien ma stiednux lill-Professor Charmaine [...]
Hi u tagħti d-digriet tagħha fuq rikors li kien għamel il-Koħħu biex jingħata l-libertà proviżorja, l-Imħallef li qed tmexxi l-proċess kontra dawk li huma suspettati li qatlu lil Daphne, stqarret li “huwa evidenti li x-xibka ta' kriminalità li kellha x'taqsam mal-qtil ta' Daphne Caruana Galizia għadha ma ġietx ikkontrollata għal kollox u għad hemm min [...]