Sa ċertu punt, il-Kunsill Lokali tal-Belt Valletta għandu biss importanza simbolika. F'termini elettorali, f'din il-lokalità m'hemmx kwantità kbira ta' voti u l-kunsill lokali tal-belt kapitali għandu s-setgħat tiegħu limitati bħalma huma limitati wkoll tal-kunsilli l-oħrajn. Madankollu l-uġigħ jinħass xorta waħda. Fl-aħħar mill-aħħar, l-elezzjoni f'din il-lokalità spiċċat battalja bejn tnejn - Alfred Zammit u Ray Azzopardi [...]

Il-gvern Malti għadu kemm ġie umiljat mill-Kumitat tal-Kunsill tal-Ewropa dwar il-Ġustizzja u d-Drittijiet tal-Bniedem: dan ċaħad mal-50 emenda li l-gvern ta' Joseph Muscat ried jagħmel biex tinbidel it-tifsira ta' rapport imħejji minn deputat parlamentari Olandiż li sab nuqqasijiet kbar f'dik li hi s-saltna tad-dritt f'Malta. Ir-rapport ta' Pieter Omtzigt issa għadda mill-għarbiel u ġie aċċettat [...]

Ir-riżenja ta' David Stellini mill-Parlament (se nikteb dwar din l-aħbar dalwaqt) ħolqot vojt li jrid jimtela' fil-Grupp Parlamentari tal-PN. David Stellini kien ġie elett f'elezzjoni każwali meta  Marthese Portelli telgħet minn żewġ distretti u kellha ċċedi wieħed minnhom. Dan ifisser li l-vojt jrid jimtela' minn xi ħadd li jintagħżel mill-partit politiku li minnu jagħmel parti [...]