Segwu dan il-film ta' Reuters dwar id-deċiżjoni regolatorja Ewropea li ttieħdet biex jingħalaq il-Pilatus Bank. Daphne Caruana Galizia kienet kitbet li dan il-bank ma kien xejn ħlief magna għall-ħasil ta' flus ġejjin mill-korruzzjoni. Din l-informazzjoni kienet ġabritha mingħand Maria Efimova. It-tnejn li huma kienu ġew vittimizzati u mhedda. Eventwalment waħda fittxet il-kenn f'pajjiż ieħor fejn [...]

L-editur ta' The Malta Independent ħass li l-libertà tiegħu ġiet imxekkla meta jien ktibt xi kummenti dwar l-istorja li xxandret fil-ġurnal il-Ħadd li għadda. L-editur kiteb li "l-blogger Manuel Delia għaġġel meta allega li l-istorja li xandarna kienet 'ġejja baxx baxx mill-gvern'." Peress li dak li jien ktibt dwar din l-istorja fil-fatt kienet biss biċċa [...]

Numru ta' NGOs li jinsabu fuq żjara f'Malta bil-għan li jifhmu aħjar is-sitwazzjoni tal-libertà tal-kelma fil-pajjiż waslu għall-konklużjoni li s-sitwazzjoni f'Malta m'hi feliċi xejn. Wieħed għandu għaliex jaħseb li l-fatt li ġurnalista ġiet assassinata hija indikazzjoni ta' dan. Iżda l-fatt li għall-gvern qiesu ma ġara' xejn ta' barra minn hawn hija indikazzjoni akbar Lill-NGOs irriżultalhom [...]

Hekk stqarret Gyde Jensen, il-kelliema dwar id-drittijiet tal-bniedem tal-Partit Liberali Ġernamiż - FDP - u president tal-Kumitat dwar id-Drittijiet tal-Bniedem: "Il-qtil tal-ġurnalista Maltija Galizia hi tebgħa sewda fuq l-istorja tal-Ewropa. Diffiċli wieħed jemmen li l-mandanti tad-delitt għadhom jiġġerrew barra. Hemm bżonn li jinstab tarf tal-assassinju u biex iseħħ dan, jeħtieġ li l-investigazzjoni tinbeda' mill-ġdid u [...]

(Reuters. La Repubblica) Qed naqleb għall-Malti l-paragrafu konklużiv tar-rapport ta' La Repubblica tal-bieraħ dwar id-dimostrazzjoni li saret il-bieraħ filgħaxija fil-Belt Valletta: "Hemm ħaġa waħda li hi ċerta. Malta issa waslet f'punt li fih, fejn għandha x'taqsam din il-kwistjoni, l-kontroll m'għadux għal kollox idejn il-kbarat ta' Kastilja. Il-vapur issa beda' jagħmel l-ilma. Jista' jagħti [...]

Wieħed jiskanta kif ħadu daqstant żmien biex igħiduha ċara u tonda. Dan kollu stennewħ dawk kollha li, meta kienet ħarġet l-idea li jinbiegħu l-passaporti, kienu oġġezzjonaw bil-qawwa. Il-bejgħ taċ-ċittadinanza jħaffef u jiffaċilita l-evażjoni tal-ħlas tat-taxxi u huwa theddida għas-sigurtà tal-pajjiżi Ewropej kollha li jirrikonoxxu d-dritt tal-moviment ħieles ta' persuni li jakkwistaw iċ-ċittadinanza ta' dawk l-istati [...]

IBL/REX/Shutterstock (4849337b) Min jaf Kurt Farrugia sabx il-ħin isir jaf permezz tal-google Margaret Atwood min hi, hu u jaqra' r-rapporti tal-istampa dinjija dwar l-attivitajiet li seħħew il-bieraħ biex ifakkru l-ewwel sena mill-assassinju ta' Daphne Caruana Galizia u dwar il-cover up tal-gvern dwar dak li verament seħħ dakinhar. Margaret Atwood kitbet artiklu f'The Guardian [...]

  Mill-ktieb ta’ Koħelet 3 Kollox għandu żmienu, u kull ħaġa għandha waqtha taħt is-sema: 2 Żmien li titwieled, u żmien li tmut; żmien li tħawwel, u żmien li taħsad l-imħawwel; 3 żmien li toqtol, u żmien li tfejjaq; żmien li ġġarraf, u żmien li tibni; 4 żmien li tibki, u żmien li tidħak; żmien [...]

Il-Grupp Parliamentari kollu tal-PN għadu kemm ippreżenta Mozzjoni Parlamentari li, jekk tiġi milqugħa, issejjaħ lill-gvern biex jaħtar inkjesta pubblika u indipendenti dwar iċ-ċirkostanzi tal-assassinju ta' Daphne Caruana Galizia. Il-mozzjoni ġiet preżentata b'appoġġ għat-talbiet tal-familja ta' Daphne, ta' membri tal-Parlament Ewropew u ta' NGOs internazzjonali dwar il-libertà tal-istampa biex issir inkjesta pubblika, talbiet li sa issa [...]

Reporters without Borders, il-Committee to Protect Journalists, 60 per Daphne, il-European Centre for Press and Media Freedom u l-PEN International qiegħdu fjuri u xemgħat u ħallew noti b'messaġġi quddiem il-bini tal-qorti b'tifkira ta' Daphne Caruana Galizia u talbu li ssir ġustizzja mal-ġurnalista li nqatlet waqt li kienet qed taqdi d-dmirijiet tagħha. Il-gvern wieġeb. Dan huwa [...]

Araw naqra l-post li Andrè Carbonaro għamel fuq il-Facebook 6 ijiem ilu.

L-istorja mxandra llum fil-Malta Today dwar David Casa ma ġietx pubblikata llum b'kumbinazzjoni. Il-pubblikazzjoni ta' din l-istorja proprju llum isservi biss l-interessi ta' dawk li ħadu pjaċir li llum għamel il-maltemp u għalhekk ma setax jitfakkar l-anniversarju tal-qtil ta' Daphne Caruana Galizia. Persuna li kien jaħdem fl-uffiċċju ta' David Casa, li isimha baqa' anonimu, lil [...]

Waqt li 'l bieraħ kont Ruma, erġajt iltqajt ma' Carlo Bonini tal-ġurnal La Repubblica li hu parti minn The Daphne Project u awtur tal-film "Daphne" li ntwera' waqt attività organizzata minn din il-website xi xhur ilu. Permezz ta' Feltrinelli, għadu kemm ippubblika ktieb dwar l-assassinju ta' Daphne Caruana Galizia li fih jirrakkonta l-istorja ta' x'irriżulta [...]

Meta l-Ispettur tal-pulizija li qed imexxi l-investigazzjoni dwar il-qtil ta' Daphne Caruana Galizia, Keith Arnaud kien qed jinterroga lil Alfred Degiorgio, lill-Fulu wrieh l-evidenza kollha li l-pulizija kellha f'idejha dwar is-sehem tiegħu fil-qtil tal-ġurnalista. Lil Alfred Degiorgio, Keith Arnaud indikalu li l-pulizija kienet sabet tarf tal-assassinju. Wrieh ir-rekords tax-xiri tas-SIM card, il-movimenti tal-mobiles, ir-rekords tad-diskorsi [...]

  Dan l-iscreenshot ta' Glenn Bedingfield f'dagħdiha minn tiegħu fil-Parliament jumejn ilu jġiegħelek titħasseb sew. U Jurgen Balzan iwieġeb billi jolqot il-musmar fuq rasu: "jekk tassew ħadd minn fost ir-reġim tal-Labour m'hu sid l-Egrant, Glenn Bedingfield ma keelux għalfejn jitlifha u jitkeċċa mill-Parlament għad-dagħa li lissen". Hekk hu. It tema dwar iż-żamma tal-kalma wieħed isibha [...]

Owen Bonnici jeħtieġ iħaffef u jaqbad it-telefon mill-aktar fis mal-kennies prinċipali ta' Ruse fil-Bulgarija. X'wiċċ għandhom dawn li jaqbdu u jqiegħdu l-fjuri u x-xemgħat flimkien ma' ritratt ta' ġurnalista fuq mafkar pubbliku? X'ardir! Ir-ritratt ixxandar fuq The Malta Independent tal-lum.

Attivisti tas-soċjetà ċivili għandhom raġun isostnu li huma m'humiex politiċi għalkemm ħafna drabi isibu fuqxiex jaqblu ma' wħud minnhom. Il-vokazzjoni tal-politiċi u tal-attivisti tas-soċjetà ċivili hi differenti. Is-soċjetà ċivili m'għandhiex għalfejn tħabbel rasha dwar strateġija, tattika, solidarjetà kolleġġjali u l-konsistenza. Dak li jgħidu jgħiduh għax verament jemmnu fih. Iżda għall-politiċi, l-ħajja hi ferm aktar komplikata. [...]

Tul din l-aħħar sena ħabbilt rasi kemm niflaħ dwar dak li se nikteb u qgħadt lura milli nlissen kelma. Il-bieraħ segwejt fuq it-televiżjoni d-diskors tal-prim ministru mill-Parlament u min kien preżenti tarrafli xi aħbarijiet dwar ix-xenati li kien hemm fil-Kamra hekk kif intfew il-kameras. U llum rajt lil Chris Cardona u sħabu f'dagħdiha huma u [...]

Sarah Puntan Galea, waħda mill-qaddejja tat-tagħwiġ tal-verità li għandu Joseph Muscat, għoġobha tgħallem xi ftit ġurnaliżmu lil Simon Reeve tal-BBC. Din mingħaliha li l-bqija tad-dinja topera bħal Malta fejn tal-Labour jgħidilna kif għandna naħsbu, anki jekk naqgħu fl-assurd. Il-fatt li tal-BBC għażlu li jintervistaw lili ma jfissirx li ħaddieħor għandu xi dritt awtomatiku li jibbilanċja [...]