Minn Callixtus wara li xxandret il-post tiegħi dwar Luzerner Zeitung: Il-ġurnal Luzerner Zeitung jidher li ħarablu l-irbit Svizzeru ferm aktar importanti, jiġifieri, Christian Kaelin. Ali Sadr u martu kien l-mistiedna għall-festin li kien sar biex jiġi ċelebrat l-20 anniversarju tat-tieġ ta' Kaelin. U lest nilgħab imħatra li Christian Kaelin attenda għat-tieġ ta' Ali Sadr fl-Italja flimkien ma' Keith Schembri u Joseph Muscat (ħobża u sikkina!). [...]

Fil-Parlament Edward Scicluna ħareġ jiddefendi d-deċiżjoni tal-MFSA li ma tissospendix il-liċenzja tal-Pilatus Bank. Fil-għerf bla tarf tiegħu, il-Profs bħal speċi xtaq jgħallimna li hemm differenza bejn Ali Sadr bħala Chairman u Direttur tal-Bank I l-bank bħala entità għalih.. Grazzi ħafna Profs. Allura Ali Sadr tneħħa minn Direttur tal-Bank mill-MFSA. U l-Bank tħalla jinnegozja sabiex is-sidien tal-Bank jibqgħu jimpalaw il-profitti. Grazzi ħafna Profs. https://youtu.be/jJVldUcKAVw U issa [...]

Bħal din il-ġimgħa ħdax-il xahar, ilkoll konna qed insegwu l-aħbarijiet li kienu ħerġin minuta wara l-oħra. Daphne Caruana Galizia tirraporta li l-Egrant hi ta' Michelle Muscat.  Michelle Muscat tiċħad. Joseph Muscat jgħid li m'hemm xejn x'jiġi investigat. Lawrence Cutajar jiekol il-fenek moqli. Ali Sadr joħroġ inkiss inkiss mill-bank bil-bagalji. Jekk irridu nemmnu lil Edward Zammit [...]

Maria Efimova ċemplitli minn payphone fil-ħabs tan-nisa f'Ateni dalgħodu, biex f'isimha nirringrazzja lil dawk kollha li appoġġjawha u għadhom qed jappoġġjawha.  Qaltli li ġiet infurmata bil-messaġġi ta' kuraġġ mill-bidu li nżammet f' Malta u barra minn Malta, u li tixtieq turi lil kulħadd kemm tħossha grata għal dan. Talbitni wkoll nirringrazzja speċifikament lil ulied Daphne [...]

Edward Zammit Lewis il-bieraħ fuq it-televiżjoni ħareġ għonqu u insista li ħdax il-xahar ilu Ali Sadr kien biss qed iġorr miegħu xi bagalji mimlijn ħwejjeġ tal-ilbies meta dan inqabad ħiereġ inkiss inkiss b'bagalji kbar mill-bieb ta' wara tal-Bank fis-satra tal-lejl. Ħaġa verament tal-għaġeb li, hu u jiddefendi lil Michelle Muscat, Edward Zammit Lewis għażel li ma jillimitax ruħu għal dak li [...]

Donnu qabadhom ġenn. Iżda dan l-istat ta' paniku m'għandux għax idum wisq. Jerġgħu isiru qishom m'humiex huma u jagħmlu tabirruħhom li din it-triq kienu diġà fassluha żmien qabel. Joseph Muscat issa jridha ta' mexxej ewlieni Ewropew wara li kien għamel żmien twil qisu in-Nigel Farage ta' Malta. Issa qed jittantaw iwaħħlu fil-PN għal dak li ġara' fil-Pilatus Bank. [...]

Il-MFSA "keċċiet" lil Ali Sadr minn direttur tal-Pilatus Bank u ordnat li ma jibqgħux irisu transazzjonijiet la minnu, la mid-diretturi l-oħra, la mit-tmexxija tal-Bank u lanqas minn membri tal-familji tagħhom. Allura issa ma jistgħux isiru telefonati tard bil-lejl biex jinfetaħ kont ta' self ta' miljun f'isem oħt iċ-Chairman u biex isir trasferiment malajr ġo kont f'New York [...]

https://www.facebook.com/occupyjusticemalta/videos/431343357307081/

Mela ma kinitx qed tiġġennen wara kollox. Ma kenitx qed tigdeb. Ma kenitx saħħara moħħha biss biex tagħmel ħsara lil Labour għaliex ma felħitx tara s-suċċessi. Mhux għax kellu jiġri dak li ġara biex nikkonvinċu ruħna li tal-Pilatus Bank m'humiex ħlief bejta tal-ħallelin u bank għall-ħallelin immexxi mill-ħallelin għax kienet ilha li xanderet il-fatti u ppreżentat il-provi. Iżda għal [...]

Ir-Reuters qed jirrapporta li Ali Sadr Hasheminejad, iċ-Chairman tal-Bank Pilatus, qed jinżamm arrestat fl-Istati Uniti mixli li pparteċipa fi skema biex jiġu evitati sanzjonijiet imposti mill-Istati Uniti u biex aktar minn $115-il miljun li tħallsu taħt kuntratt tal-kostruzzjoni fil-Venezwela jiġu mgħoddija baxx baxx mis-sistema finanzjarja Amerikana. L-Istati Uniti ressqu akkużi formali fil-konfront ta' Ali Sadr, [...]

L-eks impjegata tal-Bank Pilatus Maria Efimova, li xehdet fl-Inkjesta Maġisterjali li għaddejja dwar il-kumpanija Egrant Inc, iddeċidiet li ma tibqax tistaħba fi Kreta u tat lilha nfisha b'mod volontarju lill-pulizija f'Ateni wara l-mandat ta' arrest internazzjonali li nħareġ kontriha minn Malta. Il-mandat ta' arrest kontriha kien inħareġ wara li ma attendietx għal seduti tal-qorti li [...]

Daphne Caruana Galizia se tkun onorata wara mewtha bil-Premju Tully 2017 għal-Libertà tal-kelma (2017 Tully Center for Free Speech) fl-Università ta' Syracuse. Iċ-Ċentru Tully għal-Libertà tal-Kelma li jinsab fis-Samuel Irving Newhouse School of Public Communications fl-Università ta' Syracuse f'Syracuse, New York, ingħata bidu fl-2006 bħala legat ta' Joan A. Tully, lawreata tal-istess skola fis-sena 1969, u promotriċi impenjata bis-sħiħ [...]

Meta wieħed jaqra' The Guardian u The Observer dwar il-whistleblower li kien impjegat ma' Cambridge Analytica nifhem li wieħed għandu għalxiex ikun inkwetat bin-nuqqas ta' skrupli ta' ċerti biljunarji li qegħdin jużaw it-teknoloġija biex jinfluwenzaw il-kotra tal-votanti fl-iktar pajjiżi demokratikament sofistikati fid-dinja biex jaċċettaw il-fabbrikazzjonijiet u l-gideb. Din hija l-istorja dwar kif il-gidba tista' tegħleb is-sewwa. Dan ifakkarna fix-xenarju li kien iddeskriva Stephen [...]

Il-ġenju teknoloġiku li kien impjegat ma' Cambridge Analytica tkellem bil-miftuħ ma' The Guardian/Observer. Aqra d-dettalji hawn. Cambridge Analytica hi kumpannija sussidjarja ta' SCL Elections, ditta li taħdem mill-qrib ma' Henley and Partners. SCL Elections hi magħrufa għall-mod kif immanipulat l-elezzjonijiet f'St Kitts and Nevis, ir-riżultat ta' liema tiġrijiet elettorali serva l-interessi ta' Henley and Partners. F'Novembru 2013, Daphne Caruana Galizia kienet stiednet lill-qarrejja tagħha [...]

Jason Micallef, bniedem li twelled mill-ġdid biex imexxi l-wirjiet kulturali, reġa' wriena snienu dan kollu għaliex fuq pont iddendel strixxun li għatta wieħed minn madwar mitejn strixxun ieħor tal-'Kapitali tal-Kultura Ewropea'. Araw naqra x'kiteb il-bieraħ fil-Facebook. "Atti ieħor ta' provokazzjoni". Provokazzjoni? Għidilna naqra Jason x'inhu jipprovoka strixxun tal-kanvas? "Għattew u ħammġu strixxuni ta' Valletta 2018 Kapitali Ewropea tal-Kultura". L-istrixxuni li [...]

Interessanti s-sentenza tal-Qorti tal-Appell li kkonfermat deċiżjoni precedenti dwar malafama kontra Saviour Balzan. Il-Qorti qatgħetha li Balzan kien għamel allegazzjoni malafamanti fil-konfront ta' Richard Cachia Caruana meta allega li dan kien il-moħħ wara grupp ta' kelliema u kittieba wżati biex jagħmlu ħsara lill-għedewwa politiċi ta' Lawrence Gonzi Saviour Balzan kien speċifiku meta semma' b'isimha lil Daphne Caruana Galizia u dwar il-mod [...]

Aqraw x'kienet kitbet Daphne Caruana Galizia f'Novembru 2016. Madwar 10 xhur qabel ġiet assassinata kienet għamlet paragun dwar il-metodu dispreġġjattiv użat fil-konfront tal-ġurnalisti miż-żewġ prim ministri. "Sħabi ġurnalisti: hekk kif, fl-isfond tal-fake news u tal-miżinformazzjoni ta' dawn iż-żminijiet u fl-isfond ukoll tal-qawmien tal-lemin estrem, filwaqt li xogħlna qed isir aktar u aktar importanti, is-sitwazzjoni għalina qed issir [...]

Ħames xhur ilu qatlu lil Daphne Caruana Galizia. Joseph Muscat għadu Prim Ministru. Għal kull ġurnata li tgħaddi mingħajr ma ssir ġustizzja, inkunu qed joqtluha mill-ġdid. Il-lejla fis-18:30 quddien il-Qorti ngħaqad ma' oħrajn li qed jinsistu li għandha ssir ġustizzja.  

Mela Mossack Fonseca għalqet. Għad hemm ħafna ditti legali f’diversi tax havens li jaħbu s-sigrieti ta’ ħafna politikanti oħrajn.  Imma din għalqet.  Hu mument li jġib sensazzjoni ta’ ferħ u dieqa għal ħafna nies f’Malta, imma l-aktar għal Matthew Caruana Galizia. Dan hu jum tabilħaqq stramb. Id-ditta li għenet lill-uniku ministru fl-UE imsemmi fil-Panama Papers [...]