Xi drabi niġi mistoqsi mill-ftit li fadal tas-segwaċi ta’ Joseph Muscat fejn kont jien meta kienet seħħet xi ħaġa qabel l-2013. Ma nafx għalfejn issirli mistoqsija bħal din għaliex kulħadd jaf it-tweġiba għaliha.
Agħtu daqqa t’għajn lejn ir-ritratt ta’ hawn taħt biex tiffriskaw xi ftit il-memorja dwar fejn kien Robert Abela f’Ġunju 2017. Kien qed igħolli lil Chris Cardona u lil Konrad Mizzi fuq spallejh hu u jiċċelebra r-rebħa elettorali.
- Il-burner phones li ntużaw fl-assassinju kienu nxtraw lejn tmiem l-2016.
2. Lejn tmiem l-2016 Yorgen Fenech kien diġà jaf li l-elezzjoni kienet ser tissejjaħ sena qabel żmienha.
Jason Azzopardi għadu kemm tkellem fil-Parlament u għamel riferenza għas-sinjifikat ta’ dan kollu.
Hemm tliet spjegazzjonijiet li huma possibbli.
L-ewwel, dak li seħħ kien biss kumbinazzjoni.
It-tieni, Joseph Muscat ried li jsejjaħ elezzjoni qabel Daphne Caruana Galizia tikxef dak li kienet skopriet dwar l-iskandlu 17 Black u dwar dak li kien għamel fil-Montenegro.
It-tielet, Joseph Muscat ried jeħles l-elezzjoni qabel tinqatel Daphne Caruana Galizia.
Ir-raba’ spjegazzjoni – li kienet issejħet elezzjoni bikrija minħabba l-istorja li xandret Daphne f’April 2017 – ma teżistix. Egrant kienet biss l-iskuża. U Joseph Muscat gideb biex igħatti waħda mill-possibilitajiet l-aktar kredibbli li jissemmew hawn fuq.
Meta f’Mejju 2018 Joseph Muscat tkellem dwar l-akbar gidba fl-istorja politika Maltija, x’aktarx kien qed jagħmel riferenza skoretta. Seta’ kien qed jipproġetta l-gidba tiegħu stess: l-akbar u l-agħar gidba fl-istorja politika ta’ Malta.
Minn dakinhar li nġibed ir-ritratt f’Ġunju 2017, Robert Abela m’għadux iġorr lil Konrad Mizzi u lil Chris Cardona fuq spallejh. Sa tliet ġimgħat ilu kien għadu qed iġorrhom.
Iżda lill-imgħallem u s-sid tiegħu Joseph Muscat baqa’ jġorru fuq spallejh sal-lum.
U miegħu għad jegħreq.
