Għamlu pjaċir lilkom infuskom u araw lil Jacob Borg jiġri wara Keith Schembri tul it-triq mill-Qrati tal-Ġustizzja sa Kastilja. L-ewwel ħaġa li nosserva hija l-kundizzjoni fiżika tal-ġurnalista. Kont inkun b’nifsi maqtugħ bħal ta’ Kurt Farrugia nitla’ dik it-telgħa imma l-fatt li għandi kemmxejn aktar x’inġor mill-basket wara dahar Jacob Borg jispjega għala minix ġurnalista li [...]
Il-Partit Nazzjonalista kellu laqgħa tajba f'Ħaż-Żabbar il-bieraħ għallinqas kif jidher mit-tbissim fuq wiċċ dawk li jidhru fir-ritratti. Waħda mill-aktar sitwazzjonijiet ibsin għal kull politiku tasal kull meta, jkunu xi jkunu ċ-ċirkostanzi, jkollhom iżommu espressjoni kalma fuq wiċċhom. Jibdew bil-kolazzjon bis-smigħ tal-Vesti la Giubba u bil-qari tal-Malta Today qabel jaqbdu t-triq li twassal biex iżommu ħajjin l-aspettattivi [...]
Il-mod kif ġab ruħu Chris Cardona hu u jipprova jżomm fil-wiċċ wara li ħarrek lil Daphne Caruana Galizia meta din 17-il xahar ilu xandret l-aħbar li kien f'burdell m'hu xejn ħlief komportament ta' min fil-fatt huwa ħati. Min ikun innoċenti jidħol il-qorti, iġib ir-raġunijiet għaliex ħassu libellat, jippreżenta l-provi biex jirribatti dak li jkun ġie [...]
Minkejja l-impressjoni li pprova jagħti li d-dħul li għandu minn negozji tiegħu huma tali li ma jistax jitħajjar li jkun korrott, l-istqarrijiet finanzjarji konsolidati li ġew ippreżentati mill-Kasco Group jindikaw li Keith Schembri ddikjara dħul minn negozji tiegħu li huwa ħafna inqas min dak li jistqarr li għamel. Fl-2011 il-Kasco Group iddikjara profitt miżeru ta' €18,895. [...]
L-inkompetenza fenominali tal-istituzzjonijiet regolatorji Maltin hekk kif dawn jiġu wiċċ imb'wiċċ ma' ħallelin li jaħdmu qaqoċċa mal-gvern ta' Joseph Muscat issa nfirxet lil hinn mill-iskandlu tal-Pilatus Bank. Fil-każ ta' dan il-Bank l-aġenziji regolatorji Maltin, bil-kompliċità sħiħa ta' politiċi Maltin imxaħħma, ippermettew lil Ali Sadr li jibni struttura internazzjonali biex jiġu faċilitati l-ħasil tal-flus maħmuġin u [...]
Bi ħsiebni nimxi fuq il-parir tal-prim ministru u lill-monument ta' Dom Mintoff fi Pjazza Kastilja mhux se nqisu bħala monument għall-imgħoddi iżda bħala monument għall-preżent u għall-ġejjieni. Il-ġurnaliżmu u l-istorja jikkumplimentaw lil xulxin. U mhux bi ħsibni noqgħod niftaħar. Anqas m'jien bi ħsiebni noqgħod nagħmel analiżi dwar Dom Mintoff u niġi naqa' u nqum dan [...]
Il-bieraħ Maria Efimova tkellmet f'konferenza tal-whistleblowers u ġiet intervistata mill-Euronews. Ara l-intervista hawn. "Lil dawn in-nies, li jħossuhom tant b'saħħithom u li tant huma sinjuri li jidhrilhom li jistgħu jagħmlu li jridu, rrid nurihom li dan m'huwiex il-każ. Hemm Alla li qiegħed hemm biex jiġġuduikahom. Alla m'huwiex se jiġi hu stess fid-dinja biex jikkastiga li [...]
Din korruzzjoni wkoll. Mhix korruzzjoni fis-sens ta' tixħim. Iżda hi korruzzjoni li bis-saħħa tagħha jiġu mminati l-istituzzjonijiet, fejn il-kontrolli jinġiebu fix-xejn u fejn il-gvern tant ikun firex is-swaba tiegħu li wieħed kważi lanqas jibda' jinduna. Nhar it-Tnejn li għadda ma kienx biss b'kumbinazzjoni li d-Deputati tal-Oppożizzjoni Claudette Buttigieg u Marthese Portelli ġibdu l-attenzjoni li Manuel [...]
Kumpannija li s-sid tagħha huwa ċ-chief of staff tal-prim ministru Keith Schembri ngħatat żewġ biċċiet art imdaqqsin fil-Qasam Industrijali ta' Bulebel ftit jiem biss qabel il-prim ministru Joseph Muscat sejjaħ elezzjoni fl-2017. L-artijiet ingħataw b'ċens għal 65 sena b'seħħ mill-1 ta' Marzu 2017. Waħda mill-biċċiet ta' art għandha daqs ta' 2,475 metru kwadru. L-għotja saret [...]
MTV Malta 2013 Kurt Farrugia qal li l-istorja tiegħi dwar app li ħarġet fl-2015 fuq il-Facebook kienet "kompletament finta". Naturalment, l-app kienet teżisti verament. U d-dejta mingħand dawk li jużawha ġabruha. Imma Kurt Farrugia kompla jitfa' r-rappurtaġġ tiegħi fil-barmil tal-'istejjer ivvintati'. Aħna mistennijin nemmnu li l-gvern ma nqediex b'din id-dejta għall-kampanja tiegħu, li [...]
Forsi jkun aħjar kieku bħala regola ġenerali l-proċess ta' awditjar mill-Uffiċċju Nazzjonali tal-Verifika (NAO) jibda jsir qabel proġett jiġi kkummissjonat aktar milli 7 snin wara li jitlesta. Ilbieraħ ikkummentajt fuq ir-rapport tal-Awditur Ġenerali fuq il-Mater Dei, li prinċipalment sab li m'hemmx biżżejjed dokumentazzjoni biex ikun stabbilit jekk l-affarijiet sarux kif suppost. Issa għandna quddiemna proġett [...]
Jidher li l-Funtana tat-Tritoni diġà għandha bżonn il-manutenzjoni. Il-funtana kienet inawgurata mill-ġdid b'pompa kbira (kif xieraq) ftit ġimgħat biss ilu. Imma issa jidher li għandha xi tip ta' problema. Forsi r-raġel għarwien ta' ġol-gabarrè nesa xi ħaġa warajh?
Imma possibbli min joħroġ b'dawn l-ideat? Il-Ministru Michael Falzon, id-dilettant tal-logħob tan-nar li l-karriera politika tiegħu b'xi mod irnexxielha tiskansaha mill-iskandlu ta' Gaffarena, illum qal lid-Deputat Karol Aquilina li 2,000 anzjan residenti fl-istituzzjonijiet ġerjatriċi tal-istat issa huma kburin li saru sidien ta' kuruni tar-rużarju mbierka mill-Papa nnifsu. Falzon kien qed iwieġeb mistoqsija parlamentari f'isem l-assistent [...]
Il-Kap Prosekutur Amerikan li qed imexxi l-każ kontra Ali Sadr li jinsab mixli b'numru ta' akkużi fosthom frodi bankarja u ksur ta' sanzjonijiet qal lill-Qorti Federali Amerikana li kull kapital jew sehem li Ali Sadr għad għandu fil-Bank Pilatus tilef kull dritt għalih għax il-bank twaqqaf bis-saħħa ta' flus miksuba mill-kriminalità. Din hija l-aktar stqarrija [...]
Waqt iċ-ċerimonja tal-inawgurazzjoni tal-European Leadership Awards li saret illejla fi Brussell, il-Euronews u l-European Business Society ippreżentaw unur speċjali għall-Kontribut lis-Soċjetà lill-familja ta' Daphne Caruana Galizia. Dan l-unur jippremja l-ħidma tagħha fil-qasam tal-ġurnaliżmu investigattiv. Ulied Daphne Caruana Galizia, Matthew u Andrew, irċivew l-unur mingħand il-President tal-Parlament Ewropew Antonio Tajani. "Huwa inaċċettabbli li ġurnalist jiġi [...]
Din l-istqarrija kienet ippubblikata għall-ewwel darba fuq il-paġna Facebook tiegħek meta dan is-sit ma kienx aċċessibbli. manueldelia.com għada ma tistax tinqara minn ħafna minn dawk li qed jipprova jidħlu fiha. Dan minħabba attakk DdoS qawwi fuq fronti differenti fuq is-servers li tuża l-website. Dan hu t-tieni waqfien din il-ġimgħa u l-itwal wieħed fis-sena li ilu jeżisti [...]
X'aktarx bl-eċċezzjoni ta' erba' boloħ, kulħadd ħass sens ta' rabja, sogħba u niket wara li seħħ l-attakk insensat li wettaq ċakkar ixxellerat fuq kuntistabbli tal-pulizija. Iżda, fost din l-unanimità rari, xorta waħda għandek ssib nies ċiniċi li jaħtfu kull opportunità biex jużaw dan l-inċident vili għall-vantaġġ politiku tagħhom. Dawk li dalgħodu imxew fit-toroq tal-Belt Valletta [...]
Għandi rasi verament mistrieħa issa li rriżulta li ħadd ma kien poġġa pakkett suspettuż fuq l-għatba tad-dar ta' Jeffrey Pullicino Orlando. Tal-waħx li kieku ġara' hekk. U jiddispjaċini li spiċċa ħa qata' nobis. In-nies m'għandhomx jarmu ż-żibel tagħhom fejn ġie ġie. Nittama li jinsab tajjeb u li issa jista' jorqod trankwill. U nittama li fil-ġejjieni [...]
L-avukati ta' Ali Sadr qalu lill-qorti Amerikana li, jekk jingħata l-libertà proviżorja, l-klijent tagħhom kien lest li jagħmel pleġġ ta' 20 miljun dollaru Amerikan bħala garanzija li jidher fil-qorti meta jissejjaħ biex igħaddi ġuri. L-avukati spjegaw li parti mill-pleġġ ikun garantit mill-ġid personali tiegħu li jammonta għal 24 miljun dollaru li nofshom jikkonsistu f'ishma fil-Pilatus [...]
L-artiklu inkiteb minn Ranier Fsadni u xxandar fit-Times of Malta dalgħodu. Bħas-soltu, l-artiklu ta' dan l-awtur huwa miktub b'mod ċar u konvinċenti. Bosta kienu dawk li qiegħdu l-artiklu fil-Facebook iżda ftit wara tneħħa wara li l-Facebook irċeviet ilmenti li dan l-artiklu huwa spam. Qed niġġieldu battalja anki biex inkomplu nsiru nafu aktar. Jekk għadek ma [...]