Fis-sena 2019, l-Assemblea Parlamentari tal-Kunsill tal-Ewropa kienet għaddiet riżoluzzjoni li permezz tagħha Malta ġiet mitluba sabiex tinvestiga bis-serjetà l-assassinju ta' Daphne Caruana Galizia, sabiex tieħu passi biex tikkontrolla l-korruzzjoni, sabiex tieħu passi biex issaħħaħ lill-istituzzjonijiet dgħajjfa u tindirizza l-governanza ħażina kif ukoll sabiex ixxejjen l-attakki fuq libertajiet bażiċi tal-ġurnalisti. Kienu biss ftit waħdiet dawk il-membri [...]
Franco Debono tgħidx kemm tmasħan hu u jiddikjara li jien għandi neħel sa 18 il-xahar ħabs talli kelli l-ardir li nipparaguna r-ritorn tiegħu fl-arena politika ma' kundizzjoni medika kerha. Robert Musumeci, bniedem li għandu qalbu perżuta għall-Partit Nazzjonalista, issa qed igħid li l-PN għandu jerġa' jibgħat għal Franco Debono minħabba l-"leħen moderat" u l-"moħħ ċar" [...]
Lejn tmiem l-2019 u għal perijodu qasir, Joseph Muscat kien telaq ir-riedni tal-gvern tal-pajjiż f'idejn ħaddieħor. L-arrest ta' Yorgen Fenech kien heżżeż is-sisien tat-tmexxija tal-Partit Laburista. Keith Schembri kien ġie arrestat u għamel ftit ġranet il-ħabs. Chris Cardona kien “issospenda lilu nnifsu” għal ftit ijiem. Minn ministru, Konrad Mizzi sar konsulent tal-gvern b'paga aħjar għalkemm [...]
https://youtu.be/cxg3_UbLGpg
Il-Kummissarju tad-Data Protection ħareġ ordni lil Mark Camilleri sabiex dan iħassar il-pubblikazzjoni ta' kopji ta' chats li kienu seħħew bejn Rosianne Cutajar u Yorgen Fenech. Il-Kummissarju qal li x-xandir ta' dawn iċ-chats kiser id-dritt ta' Yorgen Fenech għall-privatezza u ma qabilx mal-argument li ġab Camilleri fis-sens li l-pubblikazzjoni taċ-chats hi waħda ta' interess pubbliku. Wieħed [...]
https://youtu.be/RjLRWgNq3F0
Il-bieraħ filgħaxija, numru żgħir ta' deputati parlamentari ltaqgħu mal-Ministru tal-Ġustizzja Jonathan Attard li qed jippilota l-liġi li ser iġġib kważi fix-xejn il-proċedura tal-iffriżar temporanju tal-ġid għal dawk li jkunu mixlija b'ħasil ta' flejjes maħmuġin. Dawn kienu qed jiddiskutu l-liġi fl-istadju tal-kumitat. Jiġifieri dik il-fażi fil-proċess li fiha jiġu mgħarbla l-artikli kollha tal-abbozz u wara l-emendi [...]
Huwa tassew ta' sodisfazzjon kbir għalina li t-tliet Imħallfin l-aktar anzjani tal-pajjiż spiċċaw biex qablu magħna u qiesu bħala bla bażi l-argumenti li kienu nġiebu mill-Avukat Ġenerali Victoria Buttigieg u mill-avukat tagħha - l-Avukat tal-Istat Chris Soler - fis-sens li l-ilment li għamlet Repubblika dwar id-deċiżjonijiet li kienet ħadet Buttigieg li l-każ tal-Pilatus Bank kellu [...]
Robert Abela jinsab maqbud mill-bajd minn Joseph Muscat. Fiż-żmien meta Muscat kien prim ministru, l-gvern tmexxa' minn ġgajta ta' kriminali. Issa ġejna agħar milli konna għaliex il-gvern sar ostaġġ ta' din il-ġgajta. Bil-għan li jinqeda' Joseph Muscat, is-sena li għaddiet temmejniha bit-tneħħija tal-iffriżar temporanju tal-ġid għal dawk li jaħslu flejjes maħmuġin. U issa li bdejna [...]
Il-gvern qed jinqeda' b'George Tabone “tal-Gram” biex imexxi 'l quddiem l-argument politiku favur it-tneħħija tal-iffriżar temporanju tal-ġid f'każijiet ta' ħasil ta' flejjes maħmuġin. Isimgħuh jitkellem b'ton ta' qsim il-qalb f'intervista mat-Times of Malta li matulha ddeskrieva t-tbatija li għadda minnha wara li ġidu kien ġie ffriżat temporanjament sakemm kien ġie liberat mill-qorti tal-akkużi kriminali li [...]
Hi ħaġa tal-mistħija li qed tiġi kontemplata liġi li tagħti s-setgħa lill-gvernijiet sabiex bil-moħbi jissemmgħu fuq il-konversazzjonijiet telefoniċi li jkollhom il-ġurnalisti u qrabathom. Jekk xejn, liġi bħal din tammonta għal indħil serju fil-ħajja privata u tagħti krettu lill-idea falza li kull min jagħżel il-professjoni tal-ġurnaliżmu ikun qed jagħmel xi ħaġa ħażina. Bħallikieku l-professjoni ġurnalistika tiġġustifika [...]
Il-kelliem tal-Oppożizzjoni dwar il-Ġustizzja Karol Aquilina għadu kemm xandar stqarrija tal-PN li tesprimi n-nuqqas ta' qbil tal-Partit mal-emendi li l-gvern irid igħaddi fil-liġijiet li jagħtu s-setgħa lill-istat biex jiffriża l-ġid ta' dawk il-persuni li jkunu mixlijin b'ħasil ta' flejjes maħmuġin. L-istqarrija tal-PN tgħid li l-gvern irid bilġri jgħaddi l-emendi mill-Parlament “għal raġunijiet li huma ovvji [...]
Huwa minnu li, sakemm in-natura umana tibqa' dik li hi, ser ikun hemm ukoll it-tentazzjoni għat-twettiq tal-korruzzjoni. Saħansitra anki jekk din il-korruzzjoni tieħu forma xi ftit jew wisq sofistikata. U l-korruzzjoni taf tkun agħar jekk din titwettaq b'mod sfaċċat. Għaliex min ixaħħam fuq xi kuntratt pubbliku maħsul bis-saħħa ta' diversi strutturi offshore jaf jidher ferm [...]
Li kien għall-Ministri, l-ġurnalisti jmisshom ma jimirħux 'il barra mill-uffiċċji tagħhom. Minn naħa tagħhom, l-ġurnalisti ma jistgħux joqgħodu b'idejhom fuq żaqqhom jistennew lill-politiċi jwieġbu t-telefonati tagħhom. B'xorti ħażina għall-politiċi, l-bini tal-Parlament m'għandux parkeġġ taħt l-art u għaldaqstant bosta drabi m'huwiex possibbli għall-Ministri li jevitaw il-mistoqsijiet li jsirulhom mill-ġurnalisti. U għall-okkażjonijiet li fihom isibu ruħhom b'daharhom [...]
Agħtu daqqa t'għajn lejn dak li Jason Azzopardi tella' dalgħodu fil-Facebook: Dan huwa każ ieħor ta' inkjesta maġisterjali li tikkonkludi li jeżistu raġunijiet li dwarhom għandhom jittieħdu passi bil-qorti kontra xi persuni iżda, forsi minħabba r-riperkussjonijiet politiċi serji li jista' jkun hemm kemm il-darba jinħarġu t-taħrikiet, l-Avukat Ġenerali Victoria Buttigieg baqgħet b'idejha fuq żaqqha. Il-proċess [...]
Wara s-seduta tal-qorti tal-bieraħ li fiha qed jitlob it-tneħħija tal-Maġistrat Gabriella Vella mit-tmexxija tal-inkjesta dwar il-korruzzjoni li seħħet fil-privatizzazzjoni ta' tliet sptarijiet, Joseph Muscat reħielha għall-Facebook, l-awla tal-qorti favorita tiegħu. Huwa kiteb dwar żewġ kwistjonijiet u waħda minn dawn kienet it-tweġiba li tah Robert Aquilina, l-president ta' Repubblika, li l-bieraħ issejjaħ biex jixhed. Qabel xejn, [...]
Illum fil-qorti Joseph Muscat kompla jagħmel l-almu tiegħu biex jipprova jġiegħel lill-Magistrat Gabriella Vella tirrikuża ruħha mill-inkjesta maġisterjali li kienet talbet Repubblika dwar il-korruzzjoni li seħħet fil-privatizzazzjoni tal-isptarijiet. Il-fehma ta' Joseph Muscat hi l-istess fehma bħal dik tal-biċċa 'l kbira tan-nies: jiġifieri li meta wieħed jifli l-provi, wieħed għandu jikkonkludi li Muscat għandu jaqa' taħt [...]
Il-bieraħ tfaċċa Silvio Grixti u lid-Deputat Prim Ministru Chris Fearne għamillu mistoqsija retorika: "għaliex meta fil-passat riċenti kien hemm STEJJER dwar abbuż minn dawn iċ-ċertifikati l-pulizija ma nvestigawx daqs li kieku NĦAFER kollox. X'taħseb Chris Fearne?" Membri tal-istampa lokali ppruvaw ikellmu lill-eks deputat Laburista biex dawn jingħataw dettalji dwar l-allegazzjonijiet li għamel. U peress li [...]
L-avukati ta' Keith Schembri sabu x-xoqqa f'moxtha. Għal xi żmien, mobile li kien qed jinżamm fil-kustodja ta' maġistrat b'rabta ma' kawża li kienet saret kontra Keith Schembri, għeb u sparixxa minn proċess tal-qorti biex imbagħad reġa' tfaċċa f'proċess ieħor li ma kellux jinsab fl-uffiċċju tal-maġistrat. L-avukati ta' Keith Schembri issa qed jippruvaw jieħdu vantaġġ minn [...]
Il-president ta' Repubblika llum kellu għal darb'oħra jerġa' jagħmel talba biex jingħata protezzjoni mill-Pulizija minħabba theddid li qed jirċievi. Għal żmien qasir, il-Pulizija kienu pprovdewh b'għassa bil-lejl biswit id-dar tiegħu. U ftit wara din l-għassa tneħħiet. Din l-għassa ma tneħħietx għax it-theddid kien naqas. Tneħħiet u għadu sal-lum mingħajr ebda protezzjoni minkejja li qed isegwu [...]