I’m not translating Norman Vella’s verses to English. Translating poetry does not really work. This was first published on Newsbook.
Taħt assedju
Iltaqgħu xemgħa u fjura,
Ġewwa misraħ f’nofs il-Belt,
Tħallew minn tfajla mbikkma,
Għajn ta’ tama f’dan il-għelt.
Hemm, imħares minn tliet ġganti,
Weqfin, siekta, viġilanti,
Tpoġġa nkwatru b’wiċċ ta’ mara,
B’daqqa t’għajn tfakkarna x’ġara.
Qalb l-istorbju tal-‘kultura’,
Tinstema’ talba ta’ kultant,
Waqaf xwejjaħ, ħalla kitba,
Martu żejnet b’werqtejn rand.
Mal-lejl ġew idejn moħbija,
Fl-ikreh dlam, bħal fil-Bidnija,
Ħarbtu, kissru, frak u biċċiet,
U l-ġganta tal-mafkar bkiet.
Iżda malli sebħet l-għodwa,
Xemgħat u fjuri ġew oħrajn,
Id-dnub b’rabja tqalleb f’soddtu,
Mhux se nħalluh jagħlaq għajn m’għajn.
20 ta’ Marzu 2018