Stqarrija ta' Repubblika: Repubblika tinnota u tilqa’ l-fatt li l-gvern fl-aħħar aċċetta li tinfetaħ inkjesta indipendenti dwar il-qtil ta’ Daphne Caruana Galizia. Għadna l-bogħod mill-wasla fit-triq it-twila għall- ġustizzja. Biex nibdew dak li kixfet Daphne bil-ġurnaliżmu tagħha – li wassal għall-assassinju tagħha – irid ikun mistħarreġ mill-awtoritajiet skont il-liġi u ssir ġustizzja mall-korrotti u mal-kriminali. [...]

Il-gvernatur tal-Bank Ċentrali Mario Vella naqas milli jattendi għall-ewwel laqgħa tal-kunsill ta' tmexxija tal-Bank Ċentrali Ewropew - l-ogħla organu ta' din l-istituzzjoni - presjeduta mill-president il-ġdida Christine Lagarde. Il-laqgħa seħħet il-bieraħ iżda Mario Vella skartaha u fl-istess ħin li l-laqgħa kellha tiba', rikeb ajruplan li wasslu Frankfurt. L-istedina personali li bgħatitlu Christine Lagarde, Mario Vella [...]

Il-Professur Ian Refalo lill-gvern taħ parir li m'hemmx għalfejn ikun hemm separazzjoni bejn is-setgħat tal-Parlament u dawk tal-gvern. U ftit jiem ilu l-kap tas-servizz ċivili Mario Cutajar għamel riferenza għal dan il-parir hu u jagħti r-raġunijiet tiegħu il-għala kien ġie deċiż li jiġu njorati r-rakkomandazzjonijiet tal-Kummissarju tal-Istandards fil-Ħajja Pubblika George Hyzler. Araw x'qal Mario Cutajar [...]

Ir-regolatur tal-iskema tal-bejgħ tal-passaporti kkonkluda li dak li tant ftaħar biħ Jean Philippe Chetcuti mal-ġurnalisti ta' M6 TV ma setax seħħ. Dan ikkonkluda li mhux veru li Chetcuti jirnexxielu jġibha żewġ ma' kull applikazzjoni li jagħmel għall-ħruġ ta' passaport. Ir-regolatur qal li "mhuwiex probabbli" li bis-saħħa ta' xi themiża 'l hawn u 'l hinn dan [...]

Stqarrija ta; Repubblika, #occupyjustice u manueldelia.com: Kull 16 tax-xahar aħna norganizzaw velja li tfakkar lil Daphne Caruana Galizia u tesiġi verità u ġustizzja, għaliha u għax-xogħol ġurnalistiku tagħha. Dan se nibqgħu nagħmluh sakemm issir magħrufa l-verità u tintradd il-ġustizzja. Iżda b’dak li qed jiġri f’pajjiżna, irridu ngħidu lill-gvern bl-aktar mod ċar li m’għandux jaħseb li [...]

Bħal daż-żmien sena ilu, kont ktibt dwar ix-xamma fenominali li kellha Daphne Caruana Galizia. Niftakar li kienet ġiet f'idejja kitba tagħha mis-sena 2013. Dak iż-żmien lil Yorgen Fenech kienet żelqitlu li kellu f'idejh informazzjoni li mhux suppost kellu u dan kien biżżejjed biex iġiegħel lil Daphne xxomm li l-kuntratt tal-Electrogas kien wieħed jinten. Agħtu daqqa [...]

Konrad Mizzi, Chris Cardona u Edward Scicluna se ikollhom jistennew biex ikunu jafu liema mħallef ser jisma' l-appell tagħhom minn digriet ta' maġistrat li ordna t-tnedija ta' inkjesta kriminali li għandha tinvestiga l-imġieba tagħhom meta inbiegħu tliet sptarijiet pubbliċi. Dakinhar li ppreżentaw l-appell tagħhom, kienet għassa l-Imħallef Consuelo Scerri Herrera. F'kummentarju li jien xandart ftit [...]

Agħtu daqqa t'għajn lejn dak li kiteb fi tweet Karol Aquilina wara li Keith Schembri l-akkużi ta' korruzzjoni fil-konfront tiegħu għażel li jħallihom għaddejjin biex jiġix imġiegħel jammettihom taħt ġurament fil-qorti. Il-#ġifa il-għala qasam it-triq? ? Għax ried jaħrab mill-kawża ta' libell tiegħu stess. ?@keithaschembri #corrupt #crook pic.twitter.com/0Z5IhnREo2 — Karol Aquilina (@KarolAquilina) 11 ta' Novembru [...]

Bil-Malti ngħidu li “nqela b’żejtu”. Tliet snin ilu Keith Schembri għamel kawża ta' libell kontra Simon Busuttil għax l-istess Simon Busuttil kien xlieħ li huwa bniedem korrott. Fis-16 ta' Ottubru 2017, kien xehed li huwa innoċenti. Ftit sigħat wara, Daphne Caruana Galizia, il-ġurnalista li qabditu jarma karus fil-Panama, nqatlet permezz ta' karrozza-bomba. Minn dakinhar 'l [...]

Lil Joseph Muscat u lil Adrian Delia ma rajnihomx b'nemes dalgħodu fiċ-ċerimonja nazzjonali ta' Jum it-Tifkira. Joseph Muscat siefer biex imur jara l-Milan jilgħabu l-lejla. Adrian Delia ħadd ma jaf fejn kien. Nafu biss li dan ilu jiskansa kull attività li taħbat nhar ta' Ħadd. Jum it-Tifkira m'huwiex xi fdal ta' żmien il-kolonjaliżmu. Huwa obbligu [...]

Agħtu daqqa t'għajn lejn dan ir-rapport mill-qorti dwar it-tieni sessjoni ta' dalgħodu tal-proċess kriminali tat-tliet irġiel li jinsabu mixlija bil-qtil ta' Daphne Caruana Galizia. Jien għamilt xi riċerki u ninsab infurmat minn bosta għejjun li William Cuschieri, li huwa l-avukat tal- aħwa Alfred u George Degiorgio, bgħat xi rapporti tekniċi u informazzjoni fornuta mill-esperti tal-FBI [...]

Edward Scicluna, Chris Cardona u Konrad Mizzi appellaw minn deċiżjoni li ttieħdet din il-ġimgħa minn Maġistrat biex jitniżżlu fil-lista ta' persuni suspettati fl-inkjesta li qed tinvestiga korruzzjoni u tixħim fil-privatizzazzjoni ta' tliet sptarijiet pubbliċi. L-appell tagħhom ser jinstema' mill-Imħallef Consuelo Scerri Herrera. Il-Ministri kienu diġà rebħu appell minn sentenza li kienet ingħatat minn Maġistrat ieħor [...]

Dalgħodu jien ktibt dwar il-kunflitt ta' interess li għandu Alfred Pulè, il-persuna li nħatret fuq il-Bord tal-Awtorità tal-Ippjanar f'Ottubru li għadda mill- Ministru Ian Borg biex tieħu post Matthew Pace li kien irriżenja minn fuq l-istess Bord wara li nkixef il-kunflitt ta' interess fil-każ tat-torri tad-DB. Jien ktibt dwar il-fatt li Alfred Pulè kien fin-negozju [...]

Il-gvern iddikjara fil-qorti llum li kien reġa' bdielu u li ddeċieda li ma jappellax mis-sentenza tal-qorti li biha ġiet aċċettata t-talba ta' Repubblika biex il-kwistjoni dwar jekk il-membri tal-ġudikatura f'Malta humiex tassew indipendenti tgħaddi f'idejn il-Qorti Ewropea tal-Ġustizzja. Dan ifisser li l-Qorti Ewropea ser tiddeċiedi dwar jekk is-setgħa li għandu l-prim ministru ta' Malta li [...]

Maġistrat illum aċċettat it-talba ta' Repubblika biex titnieda inkjesta dwar jekk l-avukat Jean Philippe Chetcuti, avukat u soċju mad-ditta legali Chetcuti Cauchi, wettaqx delitt kriminali meta bis-saħħa ta' kamera moħbija ta' ġurnalisti Franċiżi nqabad jammetti li għandu s-saħħa li jirranġa l-ħruġ ta' passaport Malti għal klijent Afrikan li għandu kondotta kriminali. Fil-filmat li xxandar fuq [...]

Il-bieraħ diversi NGO's tkellmu favur it-tkeċċija ta' Elizabeth Ellul minn fuq il-Bord tal-Awtorità tal-Ippjanar. Borma tbaqbaq spiċċat biex faret hekk kif il-Bord approva applikazzjoni biex kamra dilapidata li tinsab fuq l-irdum tal-Qala tiġi konvertita f'villa kbira ġmielha. Elizabeth Ellul ippretendiet li kulħadd għandu jinjora l-fatt li hi għandha relazzjoni ndiretta mal-iżviluppatur Joseph Portelli, u issa [...]

Sinjuri Joseph Muscat, Owen Bonnici, Konrad Mizzi, Keith Schembri, Edward Scicluna, Chris Cardona, Ian Borg u l-bqija. Intom mingħalikom li ħadd m'hu ser jażżarda jiqfilkom minħabba l-biża' jew minħabba l-għamad. Mingħalikom li għandkom is-setgħa li tikkontrollaw kollox. Ħafna drabi kellkom raġun li taħsbu hekk: bosta huma dawk li jew huma mbeżżgħin jew għandhom wisq għamad [...]

Il-Maġistrat Doreen Clarke laqgħet talba li saret minn Repubblika u ordnat li għandha tinbeda' inkjesta dwar l-imġieba ta' tliet Ministri tal-gvern fil-kwistjoni dwar il-privatizzazzjoni ta' tliet sptarijiet pubbliċi. Il-Maġistrat qalet li jkun xieraq li jiġu nvestigati l-allegazzjonijiet li għamlet Repubblika dwar id-delitti kriminali ta' ħasil ta' flus u ta' korruzzjoni minn naħa tal-Ministri Chris Cardona, [...]

Id-deċiżjoni tal-gvern li jappella mis-sentenza li tat il-qorti dalgħodu dwar il-metodu li tuża Malta biex taħtar il-ġudikanti tagħha, dwar jekk dan imurx kontra t-trattat tal-UE jew le u li għalhekk din il-kwistjoni għandha tkun mgħoddija lill-Qorti Ewropea tal-Ġustizzja m'hi xejn ħlief eżerċizzju mmirat biex itawwal. L-appell se jwassal biss biex jintilef iż-żmien. Dalgħodu l-qorti ma [...]

L-aħħar stħarriġ li tagħmel il-Malta Today kull xahar jindika tnaqqis fl-appoġġ fil-konfront ta' Joseph Muscat u żjieda żgħira għal Adrian Delia. L-appoġġ għal tal-ewwel xorta waħda jibqa' jiżboq bid-doppju lill-appoġġ għal dan tal-aħħar. Iżda ċ-ċaqlieq huwa interessanti għaliex tul dawn l-aħħar ftit ġimgħat il-PN għamel ħiltu biex jingħoġob mal-ksenofobiċi li jkunu lesti li jibdlu fehmithom [...]