Illum saret laqgħa ta' konsultazzjoni msejħa mill-Kumitat ta' Esperti li kien ħatar il-gvern madwar 13 il-xahar ilu biex jagħmel ir-rakkomandazzjonijiet tiegħu dwar il-mod kif għandhom jitwettqu r-rakkomandazzjonjiiet tal-Imħallfin tal-inkjesta dwar l-assassinju ta' Daphne Caruana Galizia u dan bil-għan li tiġi mħarsa l-libertà tal-kelma f'Malta. Ippermettuli nfakkar kif wasalna s'hawn. Daphne Caruana Galizia ġiet assassinata fis-16 [...]

Forsi hawn ser naqdef xi ftit kontra l-kurrent, iżda ma nħossx li l-qtugħ tad-dawl għal madwar 45 minuta f'maltemp qawwi aktar mis-soltu bħalma kellna f'dawn il-ġranet għandu jwassal biex ikollna kriżi nazzjonali kbira. M'hix ħaġa ta' barra minn hawn li, f'perijodu ta' maltemp straordinarju, l-infrastruttura tal-enerġija tista' ċċedi taħt pressjoni. Fil-ġejjieni x'aktarx ser ikollna aktar [...]

Kull min isegwi l-ħidma ta' Repubblika jew ta' dan il-blog ta' sikwit semgħana nilmentaw li, kull darba li nieħdu passi bil-qorti, qed inkunu kostretti li nġibu prova li għandna interess fil-kawża li nkunu bdejna. L-interess, f'sens legali, huwa punt rilevanti għal min jidħol il-qorti minħabba xi kwistjoni li jista' jkollu ma' ħaddieħor. Jekk sid id-dar [...]

Bejn id-doveri tal-politiċi li jmexxu l-gvern u dawk tal-impjegati tal-gvern suppost għandu jkun hemm distinzjoni netta. Il-politiċi li jmexxu l-gvern qegħdin hemm biex ifasslu l-politika u jippromovuha. L-impjegati tal-gvern, ikollhom kemm ikollhom dubji dwar din il-politika, huma mistennija li jagħmlu l-almu kollu tagħhom biex iwettquha. Huma u jwettqu din il-politika, l-impjegati tal-gvern jeħtieġ li jkunu [...]

Diġà għaddew kważi sentejn minn dakinhar li wieħed mill-qattiela ta' Daphne Caruana Galizia għall-ewwel darba stqarr fil-beraħ li kien jaf bi pjan ieħor biex tinqatel il-ġurnalista, liema pjan kien spiċċa biex ma twettaqx. Sentejn ilu, Vince Muscat il-Koħħu kien qed iwieġeb mistoqsijiet li kien għamillu fil-qorti Jason Azzopardi u stqarr li hu kien wassal lil [...]

Rapporti mxandra minn Transparency International  jikkonfermaw li Malta baqgħet tiġi meqjusa bħala pajjiż korrott, illum aktar mis-sena li għaddiet. Transparency International tat spjegazzjoni ċara u sempliċi għal dan. Ħames snin ilu ġiet assassinata ġurnalista f'Malta talli din ażżardat tinvestiga u xxandar stejjer dwar korruzzjoni. Sal-lum, kien messna wrejna li tgħallimna min-nuqqasijiet tal-imgħoddi. Sal-lum kien messna [...]

Fid-diskors tiegħu tal-bieraħ il-prim ministru stqarr li huwa kien tkellem ma' maġistrat, li ismu jew isimha ma ssemmiex, dwar dak li hu jqis bħala sentenzi tal-qorti li ma jagħtux pieni ħorox. Robert Abela ħadem fil-qorti għal snin twal. Jaf ben tajjeb li, anki f'diskursati ta' natura privata, ma jistax jaqbad u jitkellem ma' [...]

Żminijet oħra: Jesmond Gatt, l-ewwel fuq ix-xellug, dak iż-żmien chief officer fil-Bank Ċentrali ta' Malta u li dalwaqt ser jilħaq Chairman tal-MFSA, jittawwal minn fuq spallejn Edward Scicluna, li kien u għadu Gvernatur tal-Bank Ċentrali u direttur insinjifikanti fuq il-bord tal-MFSA. It-Times of Malta llum xandret rapport li jgħid li Jesmond Gatt ser [...]

Bħalissa qed tidher dejjem aktar ċara l-firda morali ta' bejn il-ġenerazzjonijiet li hemm fi ħdan il-Partit Laburista. M'hemm assolutament xejn ġdid f'dak li qed iseħħ. Dom Mintoff kien kisirha bl-aħrax mal-mexxej ta' qablu. Alfred Sant kien pubblikament għajjar lil Dom Mintoff "traditur" tal-moviment Laburista u dan wara li kien pinġa lilu nnifsu bħala l-oppost ta' [...]

Jekk irridu nibqgħu nitqiesu bħala bnedmin ta' qalb kbira, ma nistgħu qatt ngħattu għajnejna għall-kefrija ta' dan il-gvern. B'mod speċjali meta l-vittmi tal-gvern ma jkunu ħadd ħlief it-tfal. M'hux biżżejjed li noqgħodu nikkunslaw bil-fatt hija ħaġa naturali għalina bħala bnedmin tad-demm u l-laħam li lit-tfal nieħdu ħsiebhom, nagħtu l-kenn li dawk it-tfal li jisfaw weħidhom [...]

Intqal ħafna u nkitbu patafjuni hekk kif feġġet l-aħbar li Clayton Bartolo, qiesu mhux hu, għażel li jattendi għal logħba tal-futbol bejn skwadra li tirrappreżenta l-kostitwenza tiegħu u l-Manchester United liebes gakketta bl-arma tal-iskwadra Ingliża. F'dawn il-ġranet, l-inċident kien is-suġġett ewlieni li qajjem kjass fil-pajjiż. Kien hemm min stqarr li Clayton Bartolo għadu mwaħħal fiż-żmien [...]

Robert Abela qed jibqa' jippersisti bit-theddid. Aqraw x'kont ktibt dakinhar li Robert Abela għall-ewwel darba hedded lil tal-oppożizzjoni li jekk jibqgħu ma jaċċettawx l-għażla tiegħu għall-ħatra ta' Kummissarju għall-Istandards fil-Ħajja Pubblika, kien lest li jibdel il-liġi biex - bihom jew mingħajrhom - tgħaddi tiegħu. M'hux bi ħsiebni  noqgħod nirrepeti dak li kont ktibt iżda nixtieq [...]

Bismarck darba kien stqarr li ż-żewġ affarijiet li l-pubbliku m'għandux jitħalla jara kif jitfasslu huma tnejn: iz-zalzett u l-liġijiet. Dan kien serva bħala kanċillier f'pajjiż li fih il-kariga ta' kap ta' stat kienet waħda li tintiret - fatt li aktar tard kien wassal għat-tneħħija tiegħu mill-kariga. Li kieku kien isir jaf dwar kif jinħatru l-kapijiet [...]

L-ewwel li tkellem kien Arnold Cassola. U aktar tard The Shift News ikkummentat dwar informazzjoni li kellha li, aktar kmieni dan ix-xahar fuq ajruplan mimli daqs bajda, passiġġieri fuq titjira tal-Air Malta għal Londra li kellhom postijiet ibbukkjati minn qabel, ġew imġiegħla jwarrbu mill-postijiet tagħhom sabiex  jagħmlu l-wisa' għas-segretarju parlamentari Chris Bonett u għall-familja tiegħu. [...]

It-tieni l-aktar kariga importanti fil-korp tal-Pulizija baqgħet vakanti. Kull min jerfa' r-responsabbiltà ta' kariga bħal din ikollu taħt idejh il-units ċentralizzati kollha tal-Pulizija. Min ikollu kariga bħal din ikollu jissielet kontra l-kriminalità serja u jiffaċċja kwistjonijiet jaħarqu. Alexandra Mamo - l-persuna li kellha din il-kariga - spiċċat biex dabbret rasha. Ħadd ma jrid jilbes il-kappell [...]

Fiż-żewġ kitbiet li ktibt s'issa (din u din) dwar id-dibattitu li jinsab għaddej fuq l-abort qgħadt attent ħafna sabiex ma nintefa' wara ebda wieħed miż-żewġ naħat. U minkejja dan, u ċertament sa meta wasalt biex nikteb it-tieni kitba tiegħi li fiha kkritikajt ċerti aspetti tal-pożizzjoni li ħadet l-Oppożizzjoni, kien hemm uħud li stqarrew li n-nuqqas [...]

Matul terz taż-żmien li fih assistenti soċjali f'Għawdex suppost kienu qed inaddfu d-djar tal-anzjani u jagħmlu l-qadjiet ta' dawk l-anzjani li jgħixu weħidhom, uffiċjalment dawn kienu qed jaħdmu band'oħra. Sadattant, għal kwint taż-żmien, lill-anzjani qalulhom li s-servizzi li jeħtieġu biex ikunu jistgħu jkomplu jgħixu fil-komunità, ma kienux disponibbli. Din id-diskrepanza nduna biha l-Uffiċċju Nazzjonali tal-Awditjar [...]

Fi tmiem il-ġimgħa li għaddiet, f'isem Repubblika, ħadt sehem f'konferenza organizzata mill-organizzazzjoni non-governattiva Libera li fiha ġie diskuss ir-rwol tas-soċjetà ċivili fil-ġlieda kontra l-mafja madwar id-dinja. Il-laqgħa qed tfakkar l-20 sena (attwalment 22, imma kellhom jiġu posposti l-pjanijiet sentejn ilu minħabba l-imxija Covid) minn dakinhar li ġiet iffirmata l-konvenzjoni ta' Palermo li hi l-istrument legali [...]

Kien hemm żvilupp ieħor fil-kawża li Repubblika qed tagħmel biex iġġiegħel lill-Kummissarju tal-Pulizija jieħu l-każ tal-Pilatus Bank bis-serjetà. Il-bieraħ il-Qorti Kostituzzjonali bħala Qorti tal-Appell iddeċidiet dwar l-ilment tal-Istat dwar sentenza ta' Qorti Kostituzzjonali Inferjuri li ordnat li s-smiegħ tal-kawża bla dewmien jitneħħa minn quddiem Nadine Lia u jitqiegħed quddiem maġistrat ieħor jew oħra. Għalkemm qablet [...]

Ġie f'idejja l-artiklu li kitbet Claudia Calleja fit-Times of Malta li għaqqad flimkien ix-xhur, il-ġimgħat u l-ġranet li spiċċaw bil-qtil kiesaħ u biered minn żewġha ta' Bernice Cassar. Innutajt li l-ġurnalista għamlet riferenza għall-avukat tal-vittma li f'Lulju li għadda kienet irrappreżentat lis-Sinjura Cassar dakinhar li l-qorti ntalbet toħroġ ordni ta' protezzjoni. Nhar il-Ħadd li għadda [...]